aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистр Иракли Хынҭәба диԥылеит Н. И. Лобачевски ихьӡ зху Нижегородтәи аҳәынҭқарратә университет ахада, Аректорцәа Урыстәылатәи реидгыла ахада ихаҭыԥуаҩ Роман Стронгин 17.10.2012

Аԥсны Адәныҟатәи аусқәа рминистр Иракли Хынҭәба диԥылеит Н. И. Лобачевски ихьӡ зху Нижегородтәи аҳәынҭқарратә университет ахада, Аректорцәа Урыстәылатәи реидгыла ахада ихаҭыԥуаҩ Роман Стронгин

Урҭ реицәажәараҿы тема хадас иқәгылан 5-тәи жәларбжьаратәи астудентцәа рконгресс «Интердиалог: АԤСНЫ. SU» аиҿкаара. Аԥснынтәи, Урыстәылантәи, Ҭырқәтәылантәи, Сербиантәи, иара убас Приднестровиантәи аҿар ари афорум рхы аладырхәуеит. Жәларбжьаратәи аконгресс аҳәаақәа ирҭагӡаны имҩаԥысуеит милаҭбжьаратәи аиҩызара зырӷәӷәаша арҵаратә, акультуратә усмҩаԥгатәқәа. «Ԥхьаҟатәи ҳԥеиԥш иахьа аргылара ҳашьҭазароуп, зегь реиҳа ибзиоуп аҿар рхаҭақәа уи ианаҿу», – ҳәа азгәеиҭеит Роман Стронгин.

Аиԥылараҿы иазааҭгылеит иара убас аҵараиура аганахьала жәларбжьаратәи аусеицура азҵаара. Иракли Хынҭәба иажәақәа рыла, иахьазы Аԥснытәи аҳәынҭқарратә университет урыстәылатәи иреиҳау аҵараиурҭақәа акыр ирымадоуп, Москватәи аҳәынҭқарратә университет аԥхьа инаргыланы, убри аҟнытә Урыстәыла иреиӷьӡоу аҭҵаарадырратә хәышҭаарақәа ирыҵанакуа Нижегородтәи ауниверситетгьы ҳаргьы ҳусеицура еиҳа иҳарҭбаар даара ибзиахон. Аԥснынтәи астудентцәеи аспирантцәеи уаҟа хазы аҭыԥқәа рзалхра адагьы, И. Хынҭәба Р. Стронгин идеигалеит Аԥснытәи аҳәынҭқарратә университет аҟны адипломатцәа разыҟаҵараҿы ацхыраара ҟаиҵарц.

Арҭ азҵаарақәа ирылацәажәахоит Р. Стронгини ААУ аректор, академик А. Гәарамиеи реиԥылараан.

Аицәажәара хыркәшауа И. Хынҭәбеи Р. Стронгини Аԥсныи Урыстәылеи иҟоу аҿар русеицура аизырҳаразы имҩаԥгатәу аусқәа ирылацәажәеит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21