aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистр ихҭыԥуаҩ Иракли Хынҭәба дырԥылеит Ҭырқәтәылеи, Сербиеи, Сербиатәи Ареспубликеи рҟынтә иааз 5-тәи Жәларбжьаратәи астудентцәа рконгресс «Интердиалог: АԤСНЫ:su» (Урыстәыла-Аԥсны) алахәцәа. 17.10.2012

Аԥсны Адәныҟатәи аусқәа рминистр ихҭыԥуаҩ Иракли Хынҭәба дырԥылеит Ҭырқәтәылеи, Сербиеи, Сербиатәи Ареспубликеи рҟынтә иааз 5-тәи Жәларбжьаратәи астудентцәа рконгресс «Интердиалог: АԤСНЫ:su» (Урыстәыла-Аԥсны) алахәцәа.

Аделегациа еиҳабцәас иаман Ҭырқәтәыла иҟоу Кавказтәи Афедерациақәа Рассоциациа ахаҭарнак Иасемин Орал, иара убасгьы Астратегиатә Усеицуразы сербиатәи Ацентр ахантәаҩы Предраг Николич.

Иракли Хынҭәба асасцәа бзиала шәаабеит ҳәа раиҳәеит, иагьазгәеиҭеит Жәларбжьаратәи аконгресс Аԥсныи Урыстәылеи еилахәны ишеиҿыркааз, егьырҭ атәылақәа рҟынтә уи алахәылацәа рхыԥхьаӡара иахьазҳауа шгәахәара дуу.

Аминистр ихаҭыԥуаҩ аконгресс алахәцәа ирзеиҭеиҳәеит Аԥсны адәныҟатәи аполитика ахырхарҭа хадақәас иамоу. «Ҳара ҳаартуп, даара акраҵанакуеит ҳәагьы иҳаԥхьаӡоит егьырҭ атәылақәа рхаҭарнакцәа рацәажәара, рԥылара. Адунеи зегь аҟынтә аполитикцәеи, аекспертцәеи, абизнесуааи, ажурналистцәеи инеиԥынкыланы рацәажәаразы иахәҭоу зегь ҟаҳҵоит. Реиҳа ихадароу политикатә хықәкыс иҳамоуп Ҭырқәтәылеи, Сириеи, Иорданиеи инхо ҳтәылауааи ҳареи ҳабжьара аизыҟазаашьа бзиақәа раԥҵара. Сербиантәи ахаҭарнакцәа ҳтәылаҿы гәахәара дула иҳадаҳкылоит. Белград аполитикаҿы иааннакылаз апозициа ҳаргьы ҳадгылоит. Аԥсныи, Сербиеи, Ҭырқәтәылеи еицаҳзеиԥшны Урыстәылатәи Афедерациа ҩызас иахьҳамоу акраҵанакуеит», – иҳәеит Иракли Хынҭәба.

Сербиеи, Босниеи Герцеговинеи назлоу Сербиатәи Ареспубликеи Аԥсныи рыбжьара аекономикатә усеицуразы алшарақәас иҟоу дахцәажәо, Иракли Хынҭәба иазгәеиҭеит Аԥсны аицыфеидара шьаҭас изманы, ишиашоу иҟоу аимадарақәа гәахәарала ирықәшаҳаҭуп, аха Қырҭтәыла уаҟа аус амамзароуп ҳәа.

Аԥсныи Ҭырқәтәылеи реизыҟазаашьақәа дырзааҭгыло Иракли Хынҭәба иҳәеит Аԥсны Адәныҟатәи аусқәа рминистрраҿы Ҭырқәтәыла имҩаԥысуа аполитикатә хҭысқәа игәцаракны ишрышьклаԥшуа. «Аԥсны аполитикатә интересқәа Ҭырқәтәыла рыхьчараҿы уа иҟоу ҳдиаспора ҳақәгәыӷуеит. Ҳара ҳзы акраҵанакуеит Урыстәылеи Ҭырқәтәылеи реизыҟазаашьақәа ԥымкрада аҿиара иахьалагаз. Ҭырқәтәылеи ҳареи аполитикатә еимадара ҳабжьаҵара аҵакы амоуп, ҳагьгәыӷуеит ҳаԥхьаҟа Ҭырқәтәылатәи Ареспублика Аԥсны Аҳәынҭқарра ахьыԥшымра хымԥада иазханаҵап ҳәа. Уи ахырхарҭала аусура ҳаҿуп», – абас азгәеиҭеит аԥсуа дипломат.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21