aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистр идикылеит Швеицариа Агуманитартә цхырааразы адепартамент аиҳабы Мануель Бесслер напхгара зиҭоз Швеицариа Адәныҟатәи аусқәа рминистрра аделегациа 25.10.2012

Аԥсны Адәныҟатәи аусқәа рминистр идикылеит Швеицариа Агуманитартә цхырааразы адепартамент аиҳабы Мануель Бесслер напхгара зиҭоз Швеицариа Адәныҟатәи аусқәа рминистрра аделегациа

Аԥсны Адәныҟатәи аусқәа рминистр идикылеит Швеицариа Агуманитартә цхырааразы адепартамент аиҳабы Мануель Бесслер напхгара зиҭоз Швеицариа Адәныҟатәи аусқәа рминистрра аделегациа. Аделегациа иалахәын иара убас Қырҭтәыла иҟоу Швеицариа ахаҭарнак Гиунтер Бехлер, Швеицариатәи ацҳаражәҳәарҭа Агуманитартә цхырааразы адепартамент аиҳабы Матиас Веингарт, Қарҭ иҟоу Агуманитартә цхырааразы Швеицариатәи адепартамент аиҳабы Вальбурга Роос. Аминистр аделегациа алахәылаҩцәа бзиала шәаабеит ҳәа раиҳәеит, иагьазгәеиҭеит Аԥсны аиҳабыра аицәажәаразы ишаарту, ҳтәылақәа аинтерес ахьрымоу азҵаарақәа рылацәажәара ишазыхиоу.

Аделегациа аиҳабы иазгәеиҭеит: «ҳара ҳзы акраҵанакуеит Аԥсны аиҳабыра рԥылара, ара имҩаԥысуа ахҭысқәа рзы аинформациа аиура, арии ҳгуманитартә усураҿы даара иҳацхраауеит». Аиԥылараҿы ирзааҭгылан азҵаарақәа жәпакы: имҩаԥысыз Женеватәи аиҿцәажәарақәа, Гал араион аҟны агуманитартә еиҿкаарақәа русура ацашьеи, алҵшәақәеи уҳәа егьырҭ азҵаарақәагьы. Адәныҟатәи аусқәа рминистр В. Чрыгба асасцәа иазгәарҭарц иреиҳәеит аҳәаанхыҵтәи аԥсуа тәылауаҩшәҟәқәеи, ауаҩы иреиҳау аҵараиурҭа дшалгаз шьақәзырӷәӷәо ашәҟәқәеи шазхарымҵо. «Евроеидгыла ари азҵаараҿы ҳара ҳганахьала даҽакала иҳазныҟәоит, иаҳҳәап Аҩадатәи Кипр, ма Косово атәылауаа ртәылауаҩшәҟәқәа азхарҵоит. Дара рхьыԥшымра азхазымҵаз атәылақәагьы авиза рзықәдыргылоит, ртәыла аҭалара ази рырҭоит. Аттестатқәа рганахьалагьы абри аҩыза апроблема ҳамоуп. Евроеидгыла атәылақәа руниверситетқәа жәпакы Аԥсны иреиҳау аҵараиурҭақәа ирылганы Европа аҵара иацызҵарц зҭаху мап рцәыркуеит, рышәҟәқәа ахьазхарымҵо иахҟьаны», – ҳәа азгәеиҭеит аминистр.

Қырҭтәыла аҵыхәтәантәи аполитикатә ҽыԥсахрақәа рганахьала ҳаизыҟазаашьақәа дрыхцәажәауа аминистр иҳәеит: «Иахьа Қырҭтәылантәи «аидеиа ҿыцқәа» рыӡбахә ҳаҳауеит, аха урҭ дара-дара еиҿагылоит. Уаҟа еилыркаароуп Аԥсны уаҳа ахаангьы Қырҭтәыла ишаламло, убри азгәаҭаноуп рыҽҳамардара ишалагаша. Қырҭтәыла аполитикатә реализм амҩа иқәлар рҭахызар, раԥхьатәи шьаҿас иҟарҵаша – абџьар мчы ахамырхәаразы аиқәшаҳаҭра адкылароуп. Уи аныҟала нахыс мацароуп ҳтәылақәа рыбжьара агәреибагара апроцесс алагоит ҳәа ҳҳәар анауа.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21