aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Жьҭаарамза 8 Аԥсны Адәныҟатәи аусқәа рминистр Виачеслав Чрыгба дырԥылеит Аахыҵ Кавказ аҭынчреи аҭышәынтәалареи рзы Женеватәи аиҿцәажәарақәа рҟны Урыстәылатәи аделегациа ахаҭарнакцәа 08.11.2012

Жьҭаарамза 8 Аԥсны Адәныҟатәи аусқәа рминистр Виачеслав Чрыгба дырԥылеит Аахыҵ Кавказ аҭынчреи аҭышәынтәалареи рзы Женеватәи аиҿцәажәарақәа рҟны Урыстәылатәи аделегациа ахаҭарнакцәа

Жьҭаарамза 8 Аԥсны Адәныҟатәи аусқәа рминистр Виачеслав Чрыгба дырԥылеит Аахыҵ Кавказ аҭынчреи аҭышәынтәалареи рзы Женеватәи аиҿцәажәарақәа рҟны Урыстәылатәи аделегациа ахаҭарнакцәа: Урыстәылатәи Афедерациа Адәныҟатәи аусқәа рминистрра СНГ адепартамент аиҳабы Алексеи Двинианин, Урыстәылатәи Афедерациа Адәныҟатәи аусқәа рминистр ихаҭыԥуаҩ иабжьгаҩ Марат Кулахметов, агуманитартә усеицуреи ауаҩы изинқәеи рзы Адепартамент аиҳабы ихаҭыԥуаҩ Анатоли Викторов.

Аԥснынтәи аиԥылара иалахәын Аԥсны Адәныҟатәи аусқәа рминистр ихаҭыԥуаа Олег Аршбеи Иракли Хынҭәбеи, иара убас Урыстәылатәи Афедерациеи, СНГ атәылақәеи, Аахыҵ Уаԥстәылеи, Приднестровиеи, Ашьха-Карабахтәи Ареспубликеи рыҟәша аиҳабы ихаҭыԥуаҩ Асҭа Чыкәбарԥҳа, аинформациа аҟәша аиҳабы Артур Гагәлиа.

Аиԥылара алахәцәа аҩ-ганктәи аизыҟазаашьақәеи, арегионалтәи жәларбжьаратәи апроблемақәеи ирызку азҵаарақәа жәпакы ирылацәажәеит. Хадара руан Женеватәи аиҿцәажәарақәа рцашьа иазку азҵаарақәа, хаҭалагаьы, ԥхынҷкәын мзазы иааираны иҟоу анаҩстәи аиҿцәажәарақәа рҽырзыҟаҵара азҵаара.

Виачеслав Чрыгба лымкаала дазааҭгылеит Женеватәи аиԥыларақәа рҟны аԥсуа ган иааннакылаз апозициа. « 2008 шықәса раахыс аҭагылазаашьа акырӡа аҽаԥсаххьеит, уажәы иҟоу аформат азинмчра змоу адокумент ҳадаҳкылар алнаршом. Сара изласыԥхьаӡо ала, аиҿцәажәарақәа рформат аԥсахра аамҭа ааит, аделегациақәа рыҩаӡара аҟынӡа иҩагатәуп иара, аиԥыларақәа алҵшәақәа рыманы имҩаԥыларц азы. Женева инеиуа қырҭтәылатәи аделегациа алахәцәа рыбжьра аԥсахрақәа ҟалараны ишыҟоугьы, ҳара иахьынӡеилаҳкаауа ала, Аԥсны аганахьала қырҭтәыла аиҳабыра ирымаз азнеишьа шыҟац иаанхоит. Убри аҟнытә Женева ҳазлацәажәо азҵаарақәа рыла қырҭтәылатәи аган ргәаанагара рыԥсахуеит ҳәа ҳазыԥшым», – иҳәеит аминистр.

Урыстәылатәи Афедерациа Адәныҟатәи аусқәа рминистрра СНГ адепартамент аиҳабы Алексеи Двинианин иажәақәа рыла, Урыстәыла ирдыруеит Женеватәи аиҿцәажәарақәа рформат аԥсахра азҵаара Аԥснытәи аган шазнеиуа. «Аформат аԥсахразы ҳара иҳамоу апозизициа зегь рыла шәар шәтәы иақәшәоит. Аԥсны ԥхьаҟагьы Қырҭтәылеи Мраҭашәаратәи Европа атәылақәеи рганахьала Женеватәи аиҿцәажәарақәа рҟны аҿагылара аиулоит. Урыстәылатәи Афедерациа Адәныҟатәи аусқәа рминистрра аиҳабыра иҟанаҵо аҳәамҭақәа зегьы рҟны инаҵшьны иазгәанаҭоит Женеватәи аиҿцәажәарақәа рылахәцәа зегьы зинла ишеиҟароу», – ҳәа иҳәеит Двинианин.

Адәныҟатәи аусқәа рминистр иазгәеиҭеит Женеватәи аиҿцәажәарақәа рганахьала Аԥсныи Урыстәылеи аилибакаара наӡа шрыбжьоу. Аиԥылараҟны иалацәажәан иара убас Аидысларақәа раԥырҟәҟәаареи анырра рыҭареи рзы Амеханизм аусура ахацыркра азҵаарагьы.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21