aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Сириантәи ҳтәылауаа рҭоурыхтә ԥсадгьыл ахь рырхынҳәра апроцесс иазкны Аԥсны Адәныҟатәи аусқәа рминистрра иамоу аинформациа 13.11.2012

Сириантәи ҳтәылауаа рҭоурыхтә ԥсадгьыл ахь рырхынҳәра апроцесс иазкны Аԥсны Адәныҟатәи аусқәа рминистрра иамоу аинформациа

Аԥсны Адәныҟатәи аусқәа рминистрра иахьазы иамоу аинформациала, Сириантәи ҳтәылауаа рҭоурыхтә ԥсадгьыл ахь рырхынҳәра апроцесс аҳәаақәа ирҭагӡаны, Аԥсныҟа ихынҳәхьеит 103-ҩык ауааԥсыра. Урҭ рахьтә шамахамзар зегьы аусурҭақәа рыԥшаахьеит. 10-ҩык Аԥснытәи аҳәынҭқарратә университет азыҟаҵаратә ҟәша иҭоуп. 8-ҩык ахәыҷқәа Аҟәатәи алицеи-интернат иҭалеит, 6-ҩык – Аҟәатәи абжьаратә школқәа ирҭалеит. 4-ҩык ахәыҷқәа ахәыҷбаҳчахь иныҟәоит.

Иааз аҭаацәарақәа реиҳарак еилаԥсоу аԥсуа-адыга ҭаацәарақәоуп. Уажәазы Адәныҟатәи аусқәа рминистрра ацхыраара ҟанаҵоит уи азы аҳәара ҟазҵаз Сириатәи ҳтәылауаа рҭоурыхтә ԥсадгьыл ахь ахынҳәра рылзыршо аурыс транзиттә визақәа рыҭараҿы. Уи анаҩс, Сириа иҟоу ҳтәылауаа ирзыҟалаз аҭагылазаашьа хьанҭа аиӷьтәразы Адәныҟатәи аусқәа рминистрра еиуеиԥшым жәларбжьаратәи агуманитартә еиҿкаарақәа ирымадоуп, аконсультациақәа мҩаԥнагоит.

Аԥсны Адәныҟатәи аусқәа рминистрреи Аҳәаанырцә иҟоу ҳтәылауаа рҭоурыхтә ԥсадгьыл ахь рырхынҳәразы Аҳәынҭқарратә еилакыи ԥхьаҟагьы зыԥсадгьыл ахь ахынҳәра зҭаху ҳаицтәылауаа ацхыраара рырҭалоит, насгьы уи апроцесс шымҩаԥысуа иазкны Аԥсны ауаажәларра адырра рырҭалоит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21