aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистр диԥылеит Сириа иҟоу Аԥсны Аҳәынҭқарра ахаҭарнак Шьараф Маршьан 14.11.2012

Аԥсны Адәныҟатәи аусқәа рминистр диԥылеит Сириа иҟоу Аԥсны Аҳәынҭқарра ахаҭарнак Шьараф Маршьан

Шь. Маршьан акыраамҭа Дамаск иҟоу аԥсуа-абаза жәларқәа рхеилак «Адыга-Хасе» ахантәаҩыс дыҟан, иара убасгьы Сириатәи Апарламент ааԥхьарақәа хԥа дрылахәын.

Аиԥылараҿы иазааҭгылан Сириа ишьақәгылаз аҭагылазаашьа хьанҭеи, уа иҟоу ҳтәылауаа рыԥсҭазаашьеи. Шьараф Маршьан иазгәеиҭеит аҭагылазаашьа есҽны аицәахара ишаҿу. «Аԥсуааи ачерқьесцәеи ахьынхоз ақыҭақәа хԥа аԥхасҭа ӷәӷә роуит. Уажәазы даҽа гәыԥҩык ҳтәылауаа рҭоурыхтә ԥсадгьыл ахь ахынҳәра иазхиоуп». Шь. Маршьан аминистр иеиҳәеит шьоукы-шьоукы урыстәылатәи атранзиттә визақәа роураҿы апроблемақәа шрызцәырҵуа. «Ари азҵаара Урыстәыла Адәныҟатәи аусқәа рминистрра ахаҭарнакцәеи ҳареи аҵыхәтәантәи ҳаиԥылараҿы ҳалацәажәеит, дара ацхыраара аҟаҵара ишазыхиоу аадырԥшит. Зҭоурыхтә ԥсадгьыл ахь ахынҳәра зҭаху ҳаицтәылауаа рсиа нашьҭхоит Дамаски Беирути иҟоу Урыстәылатәи Афедерациа аконсултә маҵзурақәа рахь», – иҳәеит аминистр.

В. Чрыгба Шь. Маршьан диазҵааит Аԥсныҟа иаахьоу Сириатәи ҳашьцәа рынхашьа зеиԥшроу, проблемақәас ирызцәырҵуа азы. Шьараф Маршьан иазгәеиҭеит Аԥсны аиҳабыра аганахьала арепатриантцәа рынхара-нҵыра аиҿкааразы аусура рацәаны ишымҩаԥырго. «Анхаразы аҭагылазаашьа бзиақәа ҳзаԥырҵеит, аматериалтә цхыраарагьы маҷымкәа иҳарҭоит. Аԥсны Аҳәынҭқарра иҳанаҭо адгылара ахә ҳаракны иршьоит иара Сириа аҟны еиԥш егьырҭ Арабтәи атәылақәеи Европатәи атәылақәеи рҟынгьы. Аԥсны мацароуп аибашьра раԥхьатәи амшқәа инадыркны сириатәи аԥсуа-абаза ҭаацәарақәа еиԥмырҟьаӡакәа ацхыраара рызҭо. Сириатәи ҳаицтәылауаа зегьы рыхьӡала иҭабуп ҳәа расҳәоит Аԥсны Аҳәынҭқарра Ахада, Адәныҟатәи аусқәа рминистрра, Арепатриациазы аҳәынҭқарратә еилакы, иара убасгьы Аԥсны ауаажәларра зегьы ауадаҩра ҳанҭагыла адгылара ҳазҭаз».

Аиԥылара алахәцәа иазгәарҭеит Сириантәи арепатриантцәа аусура иалагаразы ԥырхагас ишырзыҟоу бызшәала аибамкра. Аминистр иазгәеиҭеит ицәырҵуа азҵаарақәа зегьы рыӡбаразы аусура ишаццатәу.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21