aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистр Виачеслав Чрыгба Женеватәи аиҿцәажарақәа реицхантәаҩцәа дырԥылеит 23.11.2012

Аԥсны Адәныҟатәи аусқәа рминистр Виачеслав Чрыгба Женеватәи аиҿцәажарақәа реицхантәаҩцәа дырԥылеит

Аԥсны Адәныҟатәи аусқәа рминистр Виачеслав Чрыгба Аахыҵ Кавказ аҭынчреи аҭышәынтәалареи рзы Женеватәи аиҿцәажарақәа реицхантәаҩцәа дырԥылеит. Аԥснытәи аган аҟнытә аиԥылара иалахәын Аԥсны Адәныҟатәи аусқәа рминистр ихаҭыԥуаа Иракли Хынҭәбеи Олег Аршбеи.

Аиԥылара атема хадақәа ируакын Женеватәи аиҿцәажәарақәа рформат аекспертцәа рыҩаӡара аҟынтә аделегациақәа рыҩаӡара аҟынӡа ашьҭыхразы Аԥснытәи аган иҟанаҵаз ажәалагалеи, ашәарҭадареи агуманитартә зҵаарақәеи рзы иҟоу аусуратә гәыԥқәа акны реидкылареи.

«Женеватәи аиҿцәажәарақәа рформат аԥсахрала ҳара ҳақәгәыӷуеит ҳаицхырааны еиҳа еиӷьаҳтәуеит ҳәа, избан акәзар аиҿцәажәарақәа еиҳа еффективла аус руртә, иахьатәи аԥсҭазаара аҭахрақәа ирықәшәартә иҟаҵатәуп. Аԥсны аганахьала ари ультиматумӡам, аха ари ажәалагала ҳалацәажәароуп. Ишыжәдыруа еиԥш аиҿцәажәарақәа рҟны изаҟаразаалак прогресск ыҟаӡам, уи ҳара иҳазҳадкылом», – иҳәеит аминистр.

Аицхантәаҩцәа рделегациа аиҳабы, Евро-Еидгыла ацҳаражәҳәаҩ Филипп Лефор Аԥсны Адәныҟатәи аусқәа рминистрра аиҳабыра иҭабуп ҳәа реиҳәеит арахь раара ахьеиҿыркааз азы, иара убасгьы усҟантәи амшқәа рзы 6-тәи Аԥсуа-Абаза жәлар Адунеизегьтәи рконгресс алагара рыдиныҳәалеит. «Ҳара ибзианы шәеилаҳкаауеит, шәаргьы ижәдыруеит ҳара ҳметодқәа аганқәа зегьы ргәаанагарақәа рыдкылареи еиҟараны аҳаҭыр рықәҵареи шьаҭас ишрымоу. Ҳара ҳусура зызку аҭынчреи аҭышәынтәалареи раагароуп, ҳмандат ишаҳәо еиԥш. Иахьагьы арҭ азҵаарақәа ҳрыхәхаԥшуеит», – иҳәеит Филипп Лефор.

Аиԥылараҿы иалацәажәеит Гал араион аҟны зусура аанкылаз Аконфликтқәа раԥырҟәҟәаареи анырра рыҭареи рзы амеханизм аҭагылазаашьа зеиԥшроу. Еиду амилаҭқәа реилазаара аҟнытә аицхантәаҩы Антти Турунен Гал араион аҟны аҭагылазаашьа бзиоуп ҳәа дахцәажәеит, ааигәа апровокациақәеи ацәгьоурақәеи шыҟамлац азгәеиҭеит. Финтәи адипломат иажәақәа рыла, хара имгакәа Амеханизм аҳәаақәа ирҭагӡаны атехникатә еиԥылара амҩаԥгаразы алшарақәас иҟоу.

Аганқәа злацәажәаз атемақәа ируакын Қырҭтәыла иҟоу аполитикатә ҭагылазаашьеи, Женеватәи аиҿцәажәарақәа рҟны урҭ рделегациа аилазаашьа аиҭакреи. «Қырҭтәылатәи агәыԥ ҿыц иҟанаҵо ажәалагалақәа ҳарзыԥшуп. Макьана инҭкааны акгьы ҳарымҳәацт. Иааиуа Женеватәи аиҿцәажәарақәа рҟны иаҳбап қырҭтәылатәи аделегациа ҿыц иамоу азнеишьа уаанӡатәи иахьынӡеиԥшым», – иҳәеит Чрыгба.

Анаҩстәи Женеватәи аиҿцәажәарақәа мҩаԥысуеит ԥхынҷкәынмза 12, 2012 шықәсазы.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21