aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Женева ихыркәшоуп Иарбам ажәларқәеи амилаҭқәеи реилазаара XI-тәи Ассамблеиа хада  Ассамблеиа хада аделегатцәа еицҿакны ирыдыркылеит Аԥсны Аҳәынҭқарра ирыднагалаз ақәҵара. 30.11.2012

Женева ихыркәшоуп Иарбам ажәларқәеи амилаҭқәеи реилазаара XI-тәи Ассамблеиа хада Ассамблеиа хада аделегатцәа еицҿакны ирыдыркылеит Аԥсны Аҳәынҭқарра ирыднагалаз ақәҵара.

Аԥсны ахаҭарнак Иракли Хынҭәба аилазаара Апрезиденттә Хеилак далаҵан. Адәныҟатәи аусқәа рминистр ихаҭыԥуаҩ излаиҳәаз ала, Ассамблеиа хада зызкыз зеиԥшла ауаҩы изинқәа ракәын. Убри аҟнытә Аԥснытәи аган иазнархиаз ақәҵараҿы инаҵшьны иазгәаҭан Қырҭтәыла Аԥсны Аҳәынҭқарра аганахьала имҩаԥнаго адискриминациатә политика иахырҟьаны Аԥсны атәылауаа рзинқәа рыхьчара шхымԥадатәиу.

Иарбам ажәларқәеи амилаҭқәеи реилазаара Ассамблеиа хада азеиԥш қәҵарахьы Аԥснытәи аган иаланаҵеит аҳәынҭқарра азхаҵара ауаҩы изинқәа рыхьчара гарантк аҳсабала ишықәгыло атәы зҳәо ахәҭаҷқәа.

Арезолиуциа атекст (англыз бызшәаҟнытә иеиҭагоуп) Иарбам ажәларқәеи амилаҭқәеи реилазаара Ассамблеиа хада иаднакылаз ақәҵара, абҵарамза 30, 2012 ш. (Женева, швеицариа) Иарбам ажәларқәеи амилаҭқәеи реилазаара Ассамблеиа хада Урыстәылатәи Афедерациеи, Никарагуеи, Венесуелеи, Науруи, Тувалуи, Вануатуи Аԥсны Аҳәынҭқарра ахьыԥшымра официалла ианазхарҵа ашьҭахь аахыҵ Кавказтәи арегион аҟны аполитикатә ҭагылазаашьа ҿыц шышьақәгылаз шьақәырӷәӷәауа, Қырҭтәылеи Аԥсныи иахьа ирыбжьоу аҳәынҭқаррабжьаратә конфликт аҷыдарақәа ҭҵааны, Аахыҵ Кавказ аҭынчреи аҭышәынтәалареи рзы Женеватәи аиҿцәажәарақәа хықәкы хадас ирымоу Абџьар мчы ахамырхәаразы аиқәшаҳаҭра анапаҵаҩра Қырҭтәыла мап ахьацәнакуа азы агәалсра ду аарԥшуа, «Қырҭтәыла импыҵахалоу аҵакырадгьылқәа» ҳәа хьӡыс изманы Қырҭтәыла Апарламент иаднакылаз, жьҭаарамза 23, 2008 шықәсазы Қырҭтәыла Ахада инапы зҵаиҩыз азакәан Аԥсны адунеи аҟәыҭхаразы азинтә шьаҭа шышьақәнаргыло агәра гауа,

«Импыҵахалоу аҵакырадгьылқәа рзы азакәан» анеиааиразы алшарақәа ахьармаҷуа анахысгьы, уи амшала атранстпорттә коридорқәа (амшынтә, аҳауатә) раркреи, жәларбжьаратәи абанктә операциақәа ралмыршареи, Аԥсны аҵакырадгьыл аҟны аекономикатә усмҩаԥгара аԥырхага аҭареи ахьымҩаԥысуа азы агәалсра ду аарԥшуа,

Аԥсназы «импыҵахалоу аҵакырадгьыл» ҳәа Қырҭтәыла ахархәара зырҭо атермин апропагандатә ҟазшьа мацара шамоу азгәаҭауа,

Жәларбжьара-зинтәи адокументқәа, хаҭалагьы 1907 шықәсазтәи Гаагатәи аконвенциеи, 1949 шықәсазтәи IV-тәи Женеватәи аконвенциеи инарықәыршәаны Аԥсны Аҳәынҭқарра «импыҵахалоу ҵакырадгьылны» иушьар шамуа зегь рыла еилкаауа,

Аԥсны атәылауаа аҳәаа ахысразы рхы иадырхәар иҟало «анеитралтә тәылауаҩшәҟәқәа» мацара роуп ҳәа Қырҭтәыла анапхгара рыӡбамҭа Аԥсны атәылауаа рхы иақәиҭны аиҭанеиааиразы ирымоу азин шаԥнырҟәҟәаауа азгәаҭауа,

Аԥсны жәлар ахҳәаақәҵарзы ирымоу жәларбжьара иазхарҵахьоу азини (Еиду Амилаҭқәа реилазаара аԥҟаԥҵәа, Атәылауаҩтәи аполитикатәи азинқәа рзы жәларбжьаратәи апакт 1-тәи ахәҭ., Асоциалтәи аекономикатәи зинқәа рзы жәларбжьаратәи апакт), атәылауаҩра алхреи рхы иақәиҭны аиҭанеиааиреи рзы азини (Атәылауаҩтәи аполитикатәи азинқәа рзы жәларбжьаратәи апакт 12, 16-тәи ахәҭаҷқәа) рымхра иарбанзаалак аполитикатә мзызқәа ишыдмыриашо азгәаҭауа,

Ҿыц иалху Қырҭтәыла аиҳабырагьы Аԥсны аганахьала адискриминациатә политика аанкылара макьана ишазхиам азы агәалсра аарԥшуа, Ассамблеиа Хада

1. Қырҭтәылахь ааԥхьара ҟанаҵоит Аԥсныи Қырҭтәылеи ирыбжьоу аҳәынҭқаррабжьаратә конфликт аӡбара шьаҭас иазыҟалаша Абџьар мчы ахамырхәаразы азинтә шьаҭа змоу аиқәшаҳаҭра рнапы аҵарҩырц, 2. «Қырҭтәыла импыҵахалоу аҵакырадгьылқәа рзы» зыхьӡу адискриминациатә ҟазшьа змоу азакәан иақәыӡбоит, иара убасгьы иақәыӡбоит Аԥсны аганахьала изакәантәымкәа «импыҵахалоу аҵакырадгьыл» ҳәа атермин ахархәара, 3. Адунеи атәылақәа рнапхгарақәа рахь ааԥхьара ҟанаҵоит жәларбжьаратәи аиҭанеиааиразы аԥсуа документқәа азхарҵарц, иара убри алагьы Қырҭтәыла ахарала иҟалаз хақәиҭрала аиҭанеиааиразы азин аилагара ааныркыларц.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21