aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

07.12.2012

Виачеслав Чрыгба Ҭырқәтәылатәи Ареспублика Инегиоль ақалақь аҟнытә аделегациа идикылеит

Виачеслав Чрыгба Ҭырқәтәылатәи Ареспублика Инегиоль ақалақь аҟнытә аделегациа идикылеит Виачеслав Чрыгба Ҭырқәтәылатәи Ареспублика Инегиоль ақалақь аҟнытә аделегациа идикылеит. Аделегациа еиҳабыс даман Инегиоль ақалақь ахада Алинур Акҭашь. Аделегациа иалахәын аҭыԥантәи аиҳабыра ахаҭарнакцәа, Ҭырқәтәыла Аиашареи арҿиареи рпартиа ахаҭарнакцәа, иара убас Инегиоль ақалақь иҟоу аԥсуа культуратә центр ахантәаҩы Телаҭ Қаԥба.

Инегиоль ақалақь иаланхоит 230 нызқьҩык ауааԥсыра, адәныҟа-хәаахәҭратәи аалыҵ ишьақәнаргылоит 1 миллиард доллар. Инегиоль – индустриалтә қалақьуп, ибзианы иҿиоуп атуризми, ақыҭанхамҩеи. Аделегациа алахәцәа бзиала шәаабеит ҳәа раҳәауа, Виачеслав Чрыгба иазгәеиҭеит: «Сара акырынтә ари ақалақь саҭаахьеит, даара сгәы иаахәоит иахьа шәара сасцәаны шәахьҳҭоу. Ҳтәылақәа шәышықәсала аҭоурыхтә, аполитикатә, аекономикатә еимадарақәа рыбжьан. Иахьатәи аполитикатә контекст иабзоураны урҭ ҳаимадарақәа еиҭашьақәҳаргыларц ҳалшоит. Абҵарамзазы ақалақьқәа Аҟәеи Сидеи рыбжьара аиҩызаратә еизыҟазаашьақәа рышьақәыргыларазы аиқәшаҳаҭра нап аҵаҩҩын. Агәыӷра ҳамоуп хара имгакәа аиԥш зеиԥшу аиқәшаҳаҭра ақалақь Инегиольгьы ҳаргьы иеицҳадаҳкылап ҳәа».

Алинур Акҭашь аминистр иҭабуп ҳәа иеиҳәеит адкылара бзиа иаарԥшыз азы, иагьазгәеиҭеит арахь раара еиҿызкааз хыԥхьаӡара рацәала Инегиоль ақалақь иаланхо аԥсуа диаспора шракәу. «Агәыӷра ҳамоуп Аԥснытәи анаплакцәеи ҳареи аиԥыларақәа ҳауп ҳәа, ԥхьаҟатәи ҳусура аԥеиԥш алацәажәаразы». «Аԥсны економикала ҳахьадҳәалахо адагьы, уи Урыстәылатәи Афедерациа иахьазааигәоу аганахьала ҳахәаԥшуеит. Иахьа Урыстәылеи Ҭырқәтәылеи реизыҟазаашьақәа рыҿиашьа бзиоуп, уи ҳаргьы ҳаимадара еиҳа иарӷәӷәап ҳәа сгәы иаанагоит», – иҳәеит Инегиоль ақалақь ахада.

Аиԥылара алҵшәақәа ирзааҭгыло уи алахәцәа иазгәарҭеит ҳазҭагылоу аамҭазы Аԥсныи Ҭырқәтәылеи реизыҟазаашьақәа рыҿиаразы ԥырхага ҳәа акгьы шыҟам.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21