aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аҧсны Адәныҟатәи аусқәа рминистрра аусура 2012-тәи ашықәсзы алҵшәақәа ирызкны аминистр В. А. Чрыгба апресс-конференциа мҩаҧигеит 28.12.2012

Аҧсны Адәныҟатәи аусқәа рминистрра аусура 2012-тәи ашықәсзы алҵшәақәа ирызкны аминистр В. А. Чрыгба апресс-конференциа мҩаҧигеит

Аҧсны Адәныҟатәи аусқәа рминистрра аусура иаҳхысыз ашықәсазы алҵшәақәа ирызкны аминистр В. А. Чрыгба иахьа апресс-конференциа мҩаҧигеит. Аминистр иааркьаҿны дазааҭгылеит аминистрраҿы имҩаҧысыз аилазаашьатә ҽыҧсахрақәеи, акадртә еилазаашьаҿы аҽыҧсахрақәеи. «Иаҧҵан арегионалтә ҟәшақәа ҧшьба, урҭ хықәкыс ирымоуп адунеи арегионқәа еиуеиҧшым аҩаӡарала рыҽрымадара. Адәныҟатәи аусқәа рминистрра аусура ахырхарҭа хадақәас иҟоуп адипломатиатәи аинформациатә усурақәа. Даараӡа акраҵанакуеит акадртә еилазаашьа арӷәӷәара, иҳаҩсыз ашықәсазы уи 45% рыла иҧсахын. Аусуразы амотивациа змоу аспециалистцәа аусурахь рыдкылара иацаҳҵоит. Уи адагьы аминистрра еиҧҟьарада адипломатцәа разыҟаҵара иацхраауеит. Есышықәса астудентцәа ҳашьҭуеит Урыстәыла Адәныҟатәи аусқәа рминистрра иатәу Адипломатиатә академиахь, Жәларбжьаратәи аизҟазаашьақәа рзы Москватәи аҳәынҭқарратә институтахь (МГИМО)», – иҳәеит аминистр.

Иаҳхысуа ашықәсазы Аҧсны Адәныҟатәи аусқәа рминистрра иаднакылеит аҳәаанырцәтәи аделегациақәа 68 – урҭ рхыҧхьаӡараҿы иҟоуп адипломатцәа, аофициалтә хаҿқәа, аекспертцәа. Имҩаҧысит аҳәаанырцәтәи атәылақәа Италиа, Венесуела, Ҭырқәтәыла уҳәа рахь аҭаарақәа. Есҽнытәи аусура мҩаҧысуеит зҭоурыхтә ҧсадгьыл ахь ахынҳәра зҭаху аҳәаанырцә иҟоу ҳаицтәылауаа рзы аинформациа аидкылараз. Сириантәи 140-ҩык ҳаицтәылауаа Аҧсныҟа ихынҳәхьеит, Аҧсны Адәныҟатәи аусқәа рминистрра ари апроцесс иацхраауеит. Аминистрра ацҳаражәҳәарҭақәеи ахаҭарнакрақәеи русура аиӷьтәразы аусмҩаҧгатәқәа нагӡоуп.

Аиҧылара ахыркәшамҭаз Адәныҟатәи аусқәа рминистр В. А. Чрыгба ажурналистцәа рызҵаарақәа рҭак ҟаиҵеит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21