aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Ҭырқәтәыла иҟоу аҧсуа культуратә центрқәа рфедерациеи (Аҧсуафед) Сҭамҧылтәи аҧсуа культуратә центри Сириантәи зҭоурыхтә ҧсадгьыл ахь ихынҳәыз арепатриантцәа рзы Аҧсныҟа агуманитартә цхыраара аарышьҭит 18.01.2013

Ҭырқәтәыла иҟоу аҧсуа культуратә центрқәа рфедерациеи (Аҧсуафед) Сҭамҧылтәи аҧсуа культуратә центри Сириантәи зҭоурыхтә ҧсадгьыл ахь ихынҳәыз арепатриантцәа рзы Аҧсныҟа агуманитартә цхыраара аарышьҭит

Сириа Арабтәи Ареспубликаҿы аибашьра аналага раҧхьатәи амшқәа инадыркны, уа иҟоу ҳтәылауаа рҭоурыхтә ҧсадгьыл ахь рыхынҳәра апроцесс мҽхакы ҭбаала имҩаҧысуа иалагеит. Аҧсныҟа иааз арепатрианцәа ацхыраара ду рзыҟарҵоит Арепатриациазы аҳәынҭқарратә комитет, иара убасгьы еиуеиҧшым аҳәынҭқарратәи ауаажәларратәи аиҿкаарақәа. Зҭоурыхтә ҧсадгьыл ахь ихынҳәуа рыцхыраара рҽалхәдаарымтәит Ҭырқәтәыла иҟоу аҧсуа культуратә центрқәа рфедерациеи (Аҧсуафед) Сҭамҧылтәи аҧсуа культуратә центри. Ажьырныҳәамза 18 рзы арҭ аиҿкаарақәа Аҧсныҟа иаарышьҭыз агуманитартә цхыраара ҧарала ахә ушьозар 12.714 доллар инаӡоит. Уи ахыҧхьаӡараҿы иҟоуп ахацәеи, аҳәсеи, ахәыҷқәеи рзы аҧхамаҭәақәа, аимаақәа.

Иахьа Аҧсны Адәныҟатәи аусқәа рминистрра иамоу адыррақәа рыла, Сириа Арабтәи Ареспубликантәи рҭоурыхтә ҧсадгьыл ахь ҳаицтәылауаа рыхынҳәра апроцесс ацхыраара аҳәаақәа ирҭагӡаны Аҧсныҟа ихынҳәхьеит 150-ҩык ауааҧсыра. Урҭ рхыҧхьаӡараҿы иҟоуп шьҭралатәи аҧсуаа, ашәуаа, адыгаа. Ихынҳәыз рҟнытә аӡәырҩы аусура иалагахьеит. 10-ҩык аҿарацәа Аҧснытәи аҳәынҭқарратә университет азыҟаҵаратә ҟәша иҭалеит. 8-ҩык ахәыҷқәа Аҟәатәи алицеи-интернат иҭалеит, даҽа 6-ҩык егьырҭ Аҟәатәи абжьаратә школқәа рҿы аҵара рҵоит. Сириантәи ҳтәылауаа рҭоурыхтә ҧсадгьыл рырхынҳәра апроцесс иахьагьы ацара иаҿуп.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21