aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Ажьырныҳәамза 24 рзы имҩаԥысит Аԥсны Адәныҟатәи аусқәа рминистрра аиҳабыреи Аахыҵ Кавказ аҭынчреи аҭышәынтәалареи рзы Женеватәи аиҿцәажәарақәа реицхантәаҩцәеи реиԥылара. 24.01.2013

Ажьырныҳәамза 24 рзы имҩаԥысит Аԥсны Адәныҟатәи аусқәа рминистрра аиҳабыреи Аахыҵ Кавказ аҭынчреи аҭышәынтәалареи рзы Женеватәи аиҿцәажәарақәа реицхантәаҩцәеи реиԥылара.

Женеватәи аиҿцәажәарақәа реицхантәаҩцәа Ф. Лефор (Евро-Еидгыла), А. Турунен (ООН), А. Дешьица (ОБСЕ) уҳәа егьырҭ аиԥылара алахәцәеи Аԥсны Адәныҟатәи аусқәа рминистр В. Чрыгбеи иааираны иҟоу Женеватәи аиҿцәажәарақәа ирылацәажәеит. «Аҵыхәтәантәи Женеватәи аиҿцәажәарақәа раан истандарттәым аҭагылазаашьа ахьыҟалаз аҟнытә, уажәазы ус ҳмыхьыртә, Женева ҳусура аҵыхәтәанынӡа инагӡахартә еиԥш, заа ҳазлацәажәаша азҵаарақәа ҳамоуп. Аԥсны азыҳәан Женеватәи апроцесс иаҵанакуа рацәоуп, акыршықәса ҳара ари апроцесс ҳалахәуп, ԥхьаҟагьы ҳколлегацәеи ҳареи ҳаиҿцәажәарақәа ирыцаҳҵарц ҳгәы иҭоуп. Аахыҵ Кавказтәи арегион аҟны аҭынчреи аҭышәынтәалареи раагаразы ари афорум иахьынӡауа ибзианы ҳхы иаҳархәароуп. Еилкаауп, акыраамҭазтәи аиҿцәажәарақәа рышьҭахь, аусура еиҳа еиӷьны имҩаԥысларц азы, зҵаарақәак аиҭарыхәаԥшра шырҭаххо, ԥсахрақәак шымҩаԥгатәу. Женеватәи аиҿцәажәарақәа рҟны ишьақәгылаз акризистә ҭагылазаашьа аԥыхразы иҟаҵатәу ҳәа Аԥснытәи аган ажәалагалақәа ҟанаҵахьеит», – иҳәеит аминистр.

Ишәгәалаҳаршәоит, аҵыхәтәантәи Женеватәи аиҿцәажәарақәа раан, Аԥснытәи аган аиҿцәажәарақәа рформат ԥсахтәуп, уи иалахәу аганқәа аофициалтә статус рымазароуп ҳәа ҩаԥхьа ажәалагала шыҟанаҵаз.

«Аҵыхәтәантәи Женеватәи аиҿцәажәарақәа раан ишьақәгылаз аҭагылазаашьа аԥыхразы Аԥснытәи аган ахь ҳаргьы ажәалагалақәак ҳамоуп. Женеватәи аиҿцәажәарақәа алыҵшәа бзиақәа аарышьҭларц азы иҳалшо зегь ҟаҳҵоит, 2013-тәи ашықәс ари арегион аҿы аҭынчреи аҭышәынтәалареи раагара иашықәсхап ҳәа ҳгәыӷуеит», – азгәеиҭеит Кавказ иҟоу Евро-Еидгыла ахаҭарнак ҷыда Ф. Лефор.

Анаҩс аиԥылара ажурналистцәа аламырхәӡакәа имҩаԥысит. Аганқәа ззааҭгылаз азҵаарақәа ируакуп Аԥсны атәылауаа рхы иақәиҭны реиҭанеиааиразы азинқәеи, арегион аҟны агуманитартә ҭагылазаашьеи, Егры аӡиас ала аԥсуа-қырҭуатә ҳәаа адемаркациеи уҳәа егьырҭ аиҿцәажәара алахәцәа аинтерес ахьеицрымаз азҵаарақәа жәпакы.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21