aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Аҳәынҭқарра аделегациеи жәларбжьаратәи аизыҟазаашьақәа рзы Приднестровиатәи Молдавиатәи Ареспублика Аиҳабыра Ахантәаҩы ихаҭыԥуаҩ, Приднестровие Адәныҟатәи аусқәза рминистр Н. Штански реиԥылара 24.01.2013

Аԥсны Аҳәынҭқарра аделегациеи жәларбжьаратәи аизыҟазаашьақәа рзы Приднестровиатәи Молдавиатәи Ареспублика Аиҳабыра Ахантәаҩы ихаҭыԥуаҩ, Приднестровие Адәныҟатәи аусқәза рминистр Н. Штански реиԥылара

Иахьа Приднестровие Адәныҟатәи аусқәа рминистрраҿы жәларбжьаратәи аизыҟазаашьақәа рзы Приднестровиатәи Молдавиатәи Ареспублика Аиҳабыра Ахантәаҩы ихаҭыԥуаҩ, Приднестровие Адәныҟатәи аусқәа рминистр Н. Штански Аԥсны Аҳәынҭкарра аделегациа лыдылкылеит. Аделегациа иалахәын Аԥсны Атәылахьчара аминистр актәи ихаҭыԥуаҩ Беслан Ҵәыџьба, Аԥсны Атәылахьчара аминистр ихаҭыԥуаҩ Владимир Ануа, астатс-маӡаныҟәгаҩ – Аԥсны Атәылахьчара аминистр ихаҭыԥуаҩ Нодар Ԥлиа, Аԥсны Адәныҟатәи аусқәа рминистрра Урыстәылатәи Афедерациеи, Аахыҵ Уаԥстәылеи, Приднестровиеи, СНГ атәылақәеи Қырҭтәылеи рыҟәша аиҳабы Иракли Ҭыжәба, Аԥсны Адәныҟатәи аусқәа рминистрра Аконсултә маҵзура аиҳабы ихаҭыԥуаҩ Лаша Аҩӡба, иара убасгьы Аԥсны Амилаҭтә банк аиҳабы ихаҭыԥуаҩ Емма Ҭаниа, Приднестровиатәи Молдавитәи Ареспубликаҿы азинмчра нагӡа змоу Аԥсны Аҳәынҭқарра ахаҭарнак Александр Ватаман. Аиԥылара иалахәын иара убас аминистр лхаҭыԥуаа Витали Игнатьеви Игорь Шорикови.

Уаанӡа ишаҳҳәахьаз еиԥш, ари аиԥылара Аԥсны Аҳәынҭқарреи Приднестровиатәи Молдавиатәи Ареспубликеи рыбжьара Аиҩызареи аусеицуреи рзы аиқәшаҳаҭра абжьаҵара 20 шықәса ахыҵра иазку апрограмма иахәҭакуп.

Аилатәара аартуа Нина Штански аԥснытәи асасцәа ирыдылныҳәалеит Аиқәшаҳаҭра 20 шықәса ахыҵра. «Ари Аиқәшаҳаҭра иаршаҳаҭуеит ҳабжьара иҟоу жәларбжьаратәи аизыҟазаашьақәа аҳәынҭқарра аԥсҭазаара аганқәа зегьы рыла рхы иақәиҭны ишыҟоу. Сгәы иахәоит ари арыцхә инамаданы ҳабжьара аиқәшаҳаҭра ҿыцқәа рнапаҵаҩра ахьарбоу. Атәылахьчара аминистрреи, адәныҟаполитикатә усбарҭеи, абанктә усхки рҟны аусеицура арҿиара ҳара ҳзы дара акраҵанакуеит», – ҳәа азгәалҭеит аминистр.

Нина Штански излазгәалҭаз ала, Аԥсныи Приднестровиеи рыбжьара 2012 шықәсазы имҩаԥысуаз аусеицура ахә ҳаракны иушьартә иҟоуп. Лара агәра ганы дшыҟоу аалырԥшит «асеиԥш аҩаӡара ҳаракы змоу аусеицура ҳазҭалаз ашықәсазгьы ишацҵахо».

Приднестровие Адәныҟаполитикатә усбарҭа аиҳабы Аԥсны Аҳәынҭқарра аделегациа Аԥсны Адәныҟатәи аусқәа рминистрра аиҳабыра ахьӡала адныҳәаларатә нота рыҭаны иаалышьҭит.

Аԥсныи Приднестровиеи ирыбжьарҵахьоуи ирыбжьарҵараны иҟоу аиқәшаҳаҭрақәеи 2013 шықәсазы еиҳа еиӷьны аус руртә еиԥш апрактикатә усурақәа рацәаны имҩаԥгатәуп ҳәа агәаанагара иазааит Аиԥылара иалахәыз аганқәа.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21