aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Аҳәынҭқарра Аделегациа Приднестровие раҭаара 24.01.2013

Аԥсны Аҳәынҭқарра Аделегациа Приднестровие раҭаара

Арҭ амшқәа рзы Аԥсны Аҳәынҭқарра аделегациа официалтә визитла Приднестровиатәи Молдавиатәи Ареспубликаҿы иҟоуп. Ари авизит зыдҳәалаз Аԥсныи Приднестровиеи рыбжьара Аиҩызареи аиусеицуреи рзы аиқәшаҳаҭра абжьаҵара 20 шықәса ахыҵра акәын.

Аделегациа иалахәын Аԥсны Атәылахьчара аминистр актәи ихаҭыԥуаҩ Беслан Ҵәыџьба, Аԥсны Атәылахьчара аминистр ихаҭыԥуаҩ Владимир Ануа, астатс-маӡаныҟәгаҩ – Аԥсны Атәылахьчара аминистр ихаҭыԥуаҩ Нодар Ԥлиа, Аԥсны Адәныҟатәи аусқәа рминистрра Урыстәылатәи Афедерациеи, Аахыҵ Уаԥстәылеи, Приднестровиеи, СНГ атәылақәеи Қырҭтәылеи рыҟәша аиҳабы Иракли Ҭыжәба, иара убасгьы Аԥсны Амилаҭтә банк аиҳабы ихаҭыԥуаҩ Емма Ҭаниа.

Авизит апрограмма аҳәаақәа ирҭагӡаны Аибашьратә хьӡы-ԥша абаҟаҿы ашәҭқәа рышьҭаҵара мҩаԥысит. Приднестровие аҟынтәи аусмҩаԥгатә рхы аладырхәит ПМР Адәныҟатәи аусқәа рминистр ихаҭыԥуаҩ Витали Игнатиев, Приднестровиатәи Ареспубликатә банк аиҳабы Едуард Косовски.

Уи ашьҭахь Ареспублика Ахан аҟны имҩаԥысит аусбарҭабжьаратәи аиқәшаҳаҭрақәа рнапаҵаҩра. Урҭ рхыԥхьаӡараҿы иҟоуп Аԥсныи Приднестровиеи Ртәылахьчара аминистррақәа рыбжьара 2013 шықәсазы аусеицуразы аплани, Приднестровиатәи ареспубликатә банки Аԥсны Аҳәынҭқарра Амилаҭтә банки рыбжьара аусеицуразы аиқәшаҳаҭреи.

Витали Игнатьев иазгәеиҭеит абас еиԥш иҟоу аиԥыларақәа аҵак ду шрымоу. «Арҭ аусмҩаԥгатәқәа баша аҭоурыхтә рыцхәқәа ирыдҳәалам. Урҭ ирныԥшуеит Аԥсныи Приднестровиеи акыр хырхарҭақәа рҟны ирыбжьоу аимадара шыӷәӷәоу. 20 шықәса раахыс ҳтәылақәа ирыбжьоу аусеицура иҭагӡаны аиқәшаҳаҭрақәа 20 рҟынӡа ҳадаҳкылахьеит. Иахьагьы ҳусеицура апрактикатә ҵаҵӷәы аизырҳара ҳаҿуп, иара убри алагьы иахьазы иактуалтәу азҵаарақәа ҳаӡбоит», – иҳәеит адипломат.

Аԥснытәи аделегациа Приднестровие рыҟазаара иалагӡагны иарбоуп Приднестровие иҟоу Аԥсны Аҳәынҭқарра ахаҭарнакраҿы адкылара амҩаԥгара, Приднестровиатәи Молдавиатәи Ареспублика Адәныҟатәи аусқәа рминистрра иатәу Адипломатцәа ҿарацәа рхеилак алахәылаҩцәа рԥылара, иара убасгьы Приднестровиатәи Молдавиатәи Ареспублика Аиҳабыра Ахантәаҩы ихаҭыԥуаҩ, Приднестровие Адәныҟатәи аусқәа рминистр Н. Штански лԥылара.

Уи адагьы Аиқәшаҳаҭра анапаҵаҩра 20 шықәса ахыҵра инамаданы иазгәаҭоуп Приднестровиатәи аделегациа Аԥсныҟа раара, араҟагьы имҩаԥысуеит аешьаратә республикақәа егьырҭ русбарҭақәа рыбжьара аиқәшаҳаҭрақәа рнапаҵаҩра.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21