aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистрра аиҳабыреи Сириантәи ҳаицтәылауаа ҿарацәеи реиԥылара мҩаԥысит 31.01.2013

Аԥсны Адәныҟатәи аусқәа рминистрра аиҳабыреи Сириантәи ҳаицтәылауаа ҿарацәеи реиԥылара мҩаԥысит

Аԥсны Адәныҟатәи аусқәа рминистрраҿы имҩаԥысит аминистрра аиҳабыреи Сириантәи ҳаицтәылауаа аҿарацәа рабиԥареи реиԥылара. Арепатриантәца ргәы иҵхоз азҵаарақәа ирылацәажәан, абызшәа арҵаратә курсқәа реиҿкаареи, аусурҭақәа рыԥшаареи, абжьаратәи иреиҳау аҵараиуреи уҳа егьырҭ азҵаарақәагьы уахь иналаҵаны.

Аиԥылара алахәцәа бзиала шәаабеит ҳәа раҳәауа, аминистр Виачеслав Чрыгба иазгәеиҭеит: «Ҳара даара игәцаракны ҳацклаԥшуеит Сириа ишьақәгыланы иҟоу аҭагылазаашьа, уатәи ҳашьцәа рыԥсҭазаашьазы ҳгәы ҭынчым. Сириа атәылауаа рзы иуадаҩу ари аамҭа ахаҭыԥан аҭынчра ааип ҳәа ҳгәыӷуеит. Шәара уажәы шәҭоурыхтә ԥыԥсадгьыл аҿы шәыҟоуп. Ҳара гәахәарала иҳадаҳкылоит аратәи аԥсҭазаара излауала ирласны аҽалархәразы аҿазышәарақәа ахьаашәырԥшуа».

Аиԥылара алахәцәа арепатрициа апроцесс ацашьа иазҵаауан, избанзар урҭ рыуацәа, рҭынхацәа рацәаҩны Сириа инханы иҟоуп. Ҭырқәтәылеи Мрагылара Ааигәеи рыҟәша аиҳабы Инар Гыцба ари азҵаара дазааҭгыло иазгәеиҭеит: «Арепатриациа апроцесс ацара иаҿуп; аҵыхәтәантәи аҩымшк ирылагӡаны 126-ҩык Аԥсныҟа ахынҳәра шырҭаху азы арзаҳалқәа аларҵеит. Сириантәи ҳашьцәа урыстәылатәи атранзиттә визақәа роуразы иахәҭоу ашәҟәқәа реиқәыршәара ҳаҿуп. Иазгәаҭатәуп Урыстәыла иҟоу Аԥсны Аҳәынҭқарра Ацҳаражәҳәарҭа арепатриантцәа рытранзит иадҳәалоу аиҿқааратә зҵаарақәа рыӡбараҿы ацхыраара шаҳнато».

Аиԥылара иалахәыз зегьы еицҿакны ас еиԥш иҟоу аицәажәарақәа шхәарҭоу азгәарҭеит.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21