aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистр Виачеслав Чрыгба дырԥылеит Еиду амилаҭқәа реилазаара ахҵәацәа рзы иреиҳаӡоу акомиссар иусбарҭа (УВКБ) аиҳабы Симона Волькени Аԥсны иҟоу УВКБ аофис аиҳабы Давит Махмуриани. 15.02.2013

Аԥсны Адәныҟатәи аусқәа рминистр Виачеслав Чрыгба дырԥылеит Еиду амилаҭқәа реилазаара ахҵәацәа рзы иреиҳаӡоу акомиссар иусбарҭа (УВКБ) аиҳабы Симона Волькени Аԥсны иҟоу УВКБ аофис аиҳабы Давит Махмуриани.

УВКБ (UNHCR) – ари Еиду амилаҭқәа реилазаара иатәу, ахҵәацәеи аибашьрақәа раан ааха ӷәӷәа зауз ауааԥсыреи ацхыраара рыҭаразы апрограммақәа мҩаԥызго агентроуп. Аԥсны УВКБ аофис аус ауеит 1993 шықәса инаркны.

Аиԥылараҿы ирылацәажәон Аԥсны, Гал араион аҟны УВКБ аусура иадҳәалоу азҵаарақәа. Уи аусуреи Аԥсны иҟоу Еиду амилаҭқәа реилазаара иатәу егьырҭ агентрақәа русуреи зеиԥшла ахәшьара рыҭауа, аминистр иазгәеиҭеит агуманитартә усура Аԥсны ауааԥсыра рҭахрақәаҵәҟьа ирықәшәозароуп ҳәа.

«Аибашьра анеилга ашьҭахь раԥхьатәи ашықәсқәа рзы иарбанзаалак агуманитартә цхыраара ҳаигәырӷьон, усҟан аблокада ҳҭакын. Аха шьҭа 10 шықәса инареиҳауп аблокада нҵәаны аизҳара амҩа ҳақәуижьҭеи.

Аԥсны иҳамоуп апроблемақәа, зыӡбаразы жәларбжьаратәи аиҿкаарақәа аххьаҳарԥшуа, уахь иаҵанакуеит раԥхьаӡа иргыланы амедицина аусхкаҿы иҟоу апроблемақәа. Аха, рыцҳарас иҟалаз, еиҿкаарақәак ҳара ҳзы зынӡа актуалра змам апроектқәа рымҩаԥгара рҽазыркуеит, иаҳҳәап аинтернет аҟны ахатә информациа аиуразы апрограмма еиԥш иҟоу, арахь ачымазара бааԥсқәа змоу ахәыҷқәа рыхәышәтәразы амандат рымаӡам.

Аԥсныи уи ауааԥсыреи ирыцхраар рҭахызар, еиҳа ихадароу апроблемақәа ӡбалатәуп. Зынӡа ихәыҷу ма «ананопроектқәа» рҟынтәи ииастәуп атәыла аҿиара иацхраауа аинфраструктуратә апроектқәа рынагӡарахь», – иҳәеит Чрыгба.

Волькен лганахьала иазгәалҭеит УВКБ иара амандат инақәыршәаны агуманитартә усура шымҩаԥнаго, уи анҭыҵ ак аҟаҵара шалымшо.

УВКБ аусура далацәажәо аминистр иазгәеиҭеит: «Иахьазы Еиду амилаҭқәа реилазаараҿы докумкенткгьы ыҟам Аԥснынтәи ахҵәацәа рзы иҟаҵәҟьоу аҭагылазаашьа зныԥшуа. Ҳара ҳинициативала, ҳара ҳфинансқәа рыла УВКБ акәым, даҿа еиҿкааракгьы аламырхәӡакәа, Гал араион ахь хыԥхьаӡара рацәала ахҵәацәа хынҳәит. Аха аполитикатә мзызқәа мацара ирыхҟьаны, Қырҭтәылеи УВКБеи ари апроцесс аспонтантә ҟазшьа амоуп ҳәа ирыԥхьаӡеит, убри ала иҟалаз ахынҳәра афакт мап ацәкуа. 1999 шықәсазы УВКБ ахҵәацәа Галҟа рыхынҳәра афиксациа азура иаҟәыҵит, изабн акәзар Қырҭтәыла еилыркааит арепатриациа қәҿиарала имҩаԥысуанаҵы, ахҵәацәа рзы жәларбжьаратәи афинанстә цхыраара ду шырцәыӡуа еиԥш, Аԥсны аганахьала ирымаз аполитикатә аргументгьы шырцәыӡуа. Абарҭқәа ирыхҟьаны Қырҭтәылеи УВКБеи Гал араион ахь ихынҳәыз ахҵәацәа рышәҟәҭагалара апроцесс ааныркылеит. Ари азҵаара агуманитартә ҵакы шамаз аполиткатә ҵакы шьҭнахит. Жәларбжьаратәи аиҿкаарақәа еилыркаароуп, Аԥсны иҟоу аҭагылазаашьа аобиективтә хәшьара аҭара иацәхьаҵуа азнеишьа, алыҵшәа бзиақәа шаанамго», – ҳәа иажәа хиркәшеит аминистр.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21