aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Ахада Александр Анқәаб Женеваатәи апроцесс аҟнытә еиҭаҵра дук дазыԥшым 27.03.2013

Аԥсны Ахада Александр Анқәаб Женеваатәи апроцесс аҟнытә еиҭаҵра дук дазыԥшым

Иахьа Аԥсны ахада Александр Анқәаб Адәныҟатәи аусқәа рминистр Виачеслав Чрыгба диыдикылеит. Аминистр аҳәынҭқарра ахада изеиҭеиҳәеит Москваҟа ицара алҵшәақәас иаиуыз, иара убасгьы Урыстәыла Адәныҟатәи аусқәа рминистр ихаҭыԥуаҩ Григори Карасини иареи реиԥылара атәы. Уи аиԥылараҿы ирзааҭгылан ҩ-ҳәынҭқаррак реизыҟазаашьақәа ицәырырго реиҳа ихадароу азҵаарақәеи егьырҭ хра злоу азҵаарақәеи, Женеватәи аиҿцәажәарақәагьы уахь иналаҵаны.

Женеватәи аиҿцәажарақәа рҟнытә рацәак еиӷьхарак дшазыԥшым азгәаҭауа, атәыла ахада аԥсуа ган иалнахыз амҩа аҽшамԥсахуа ааирԥшит.

Ахадеи аминистри реиԥылараҿы ирзааҭгылан атәыла аҩнуҵҟатәи, адәныҟатәи аполитика иадҳәалоу егьырҭ азҵаарақәагьы.

Александр Анқәаб дазааҭгылеит аҵыхәтәантәи аамҭазы аинтернет аҟны акыр излацәажәоз Бриуссельтәи ауниверситет апрофессор Бруно Коппитерс Аԥснытәи аҳәынҭқарратә университет аҟны алекциақәа раԥыхра атема.

«Ҳара ҳжьара ус имариам. Астудентцәа ииашамкәа еилыркаар ҳәа ҳшәоит ҳәа саԥхьеит. Сара ус еиԥш ашәара сымаӡам. Ҳара ҳастудентцәа ҟәышқәоуп. Урҭ зегь иашаны еилыркаауеит. Ҳара абас ҳҳәоит: ҳара ҳҿы алекциақәа шәрыԥхьар шәҭахызар, алшара ҳашәҭ ҳаргьы Европа, иара адунеи зегь аҿы алекциақәа рыԥхьара. Европатәи ауаажәларра ирзымдыруа акырӡа шәзеиҭаҳҳәоит: аибашьра шалагоз, аибашьраан имҩаԥысуаз ахлымӡаахқәа, уи анеилга ашьҭахьтәи ахҭысқәа, Аахыҵ Уаԥстәылан Қырҭтәыла агресииа аныҟанаҵоз Евро-Еидгыла ахы шымҩаԥнагаз. Ҳаргьы абарҭқәа ртәы еиҭаҳҳәар ҳҭахуп. Ари азҵаараҿы ҳаартуп. Апрофессор Б. Коппитерс ҳара ҳҿы алекциақәа дрыԥхьозар, аԥсуа профессоргьы Бриуссель, Лондон, Берлин, Париж ақалақьқәа рҿы алекциақәа дрыԥхьалааит. Даҽакала ҟалашьа ҳзаҭом. Адәныҟатәи аусқәа рминистрраҿы абри шәгәы иҭаз. Изҭаху дааны, аудиториа дныҩналаны алекциақәа дрыԥхьо иҟалом. Иреиӷьӡоу европатәи аҵараиурҭақәеи ҳареи аиқәшаҳаҭрақәа рыбжьаҵара ҳазыхиоуп, урҭ аус рыцура ҳазыхиоуп, аха ҳаиҟараны. Аԥснытәи аҳәынҭқарратә университет аректор сиацәажәеит. Уигьы сара сгәаанагара сыцеиҩишоит, ари уаҳа уҳәан-сҳәан алхра аҭахым», – иҳәеит Александр Анқәаб.

http://apsnypress.info/news/8377.html


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21