aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Москва имҩаԥысит Урыстәылатәи Афедерациа Ахада Владимир Путини Аԥсны Аҳәынҭқарра Ахада Александр Анқәаби русуратә еиԥылара 13.03.2013

Москва имҩаԥысит Урыстәылатәи Афедерациа Ахада Владимир Путини Аԥсны Аҳәынҭқарра Ахада Александр Анқәаби русуратә еиԥылара

Москва имҩаԥысит Урыстәылатәи Афедерациа Ахада Владимир Путини Аԥсны Аҳәынҭқарра Ахада Александр Анқәаби русуратә еиԥылара.

Аиԥылара аԥснытәи аган аҟынтә иалахәын: аԥыза-министр Леонид Лакербаиа, авице-премиер, афинансқәа рминистр Владимир Делба, урыстәылатәи аган аҟнытә – ахада иусбарҭа аиҳабы Сергеи Иванов, авице-премиер, Аҩада Кавказтәи аокруг аҟны азинмчра нагӡа змоу ахада ихаҭарнак Александр Хлопонин, ахада ицхырааҩцәа Иури Ушакови Татиана Голиковеи, Аԥсны иҟоу Урыстәыла ацҳаражәҳәаҩ Семион Григориев, Ашәарҭадаратә хеилак ахантәаҩы ихаҭыԥуаҩ Рашид Нургалиев.

«Москва шәбара гәахәароуп, – иҳәеит Владимир Путин. – Сынтәа хәы-шықәса ҵуеит ҳтәылақәа рыбжьара адипломатиатә еизыҟазаашьақәа аԥҵоижьҭеи. Апроблемақәа рыӡбараҿы иҟоу лыҵшәақәак ирылацәажәазар ауеит, шәара шәҿы, иара зегь рҿеиԥш апроблемақәа маҷым. Ус шакәугьы урҭ ӡбалатәуп, егьа ихьанҭазаргьы. Арҭ ҳаилацәажәарақәа рыбзоурала ҳаицхырааны иаҳаӡбаша азҵаарақәа алҳкаауеит ҳәа сгәы иаанагоит».

Аԥсны ахада Александр Анқәаб иаганахьала иҭабуп ҳәа иҳәеит ҩаԥхьа Москва аҭааразы алшара ахьыҟалаз.

«Ари аиԥылара ҳазыԥшын, – иҳәеит Александр Анқәаб. – Зегь рыла сшәықәшаҳаҭуп, нанҳәамзазы ҳа ҳзы дара акрызҵазкуа рыцхәуп – Урыстәылатәи Афедерациа Аԥсны ахьыԥшымра азханаҵеижьҭеи 5 шықәса аҵра. Ари арыцхә аҽазыҟаҵара ҳаҿуп. Аибашьра ашьҭахьтәи ҳаҿиараҿы еиӷьу аихьӡарақәа ҳаманы уи ҳаԥылар ҳҭахуп. Зыӡбахә сымоу ҳтәылақәа рыбжьара Аиқәшаҳаҭра ду анагӡароуп. Иҟаҳҵахьоу рацәоуп, иахьагьы ҳколлегацәеи ҳареи ҳрылацәажәон Аԥсны ауааԥсыра рыԥсҭазаара аиӷьхара иацхрааша азҵаарақәа жәпакы».

Аԥсны ахада ҳтәылауаа рҟынтә Владимир Путин азеиӷьашьарақәа ииҭеит. «Аԥсны ауааԥсыра ҳтәылахь ишәымоу азыҟазаашьа есымша иргәалашәоит, даарагьы ҳаҭыр ақәырҵоит, ҳаҿиаразы уи иаҵанакуа рацәоуп», – ҳәа азгәеиҭеит Аԥсны ахада.

http://apsnypress.info/news/8473.html


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21