aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

Аԥсны Адәныҟатәи аусқәа рминистрраҿы имҩаԥысит Аахыҵ Кавказ аҭынчреи аҭышәынтәалареи рзы Женеватәи аиҿцәажәарақәа реицхантәаҩцәа рԥылара 15.03.2013

Аԥсны Адәныҟатәи аусқәа рминистрраҿы имҩаԥысит Аахыҵ Кавказ аҭынчреи аҭышәынтәалареи рзы Женеватәи аиҿцәажәарақәа реицхантәаҩцәа рԥылара

Аԥсны Адәныҟатәи аусқәа рминистрраҿы имҩаԥысит аминистр инапынҵақәа назыгӡо Иракли Хынҭәбеи Аахыҵ Кавказ аҭынчреи аҭышәынтәалареи рзы Женеватәи аиҿцәажәарақәа реицхантәаҩцәа – Филипп Лефори, Антти Турунени, Андреи Дешьицеи рԥылара. Аиԥылара алахәцәа иааираны иҟоу Женеватәи аиҿцәажәарақәа ирыдҳәалоу азҵаарақәа жәпакы ирылацәажәеит.

Аиԥылара ажурналистцәа аламырхәӡакәа имҩаԥысит. Уи анхыркәшаха ашьҭахь Иракли Хынҭәба алкаақәа ҟаиҵеит: «Аицәажәара бзиа ҳаман. Иааираны иҟоу Женеватәи аиҿцәажәарақәа ирыдҳәалоу азҵаарақәа конструктивла ҳрылацәажәеит. Уи адагьы ирылацәажәан иаауа аиҿцәажәарақәа рымҩаԥысшьа аформа еиуеиԥшым авариантқәа, егьырҭ аиҿкааратә зҵаарақәа. Ҳара ҳажәалагалақәа ҟаҳҵеит, уажәшьҭа аицхантәаҩцәа иахырҳәаауа ҳазыԥшуп. Ашәарҭадара азҵаарақәагьы ҳархьысит. Гал араион аҟны азеиԥш ҭагылазаашьа еиӷьхеит ҳәа аицхантәаҩцәа иахьазгәарҭаз даара акраҵанакуеит».

Аицхантәаҩцәа ражәалагала ҿыцқәа ахҳәаа рызуа, Иракли Хынҭәба иазгәеиҭеит: «Ихадароу ажәалагала адҳәалоуп женеватәи апроцесс алахәцәа рганахьала амч ахамырхәара ишадгыло зныԥшуа абжьаратә документ азырхиара. Ари адокумент ҳахәаԥшит, иҭаҳҵааит, зеиԥшла аиҿцәажәарақәа рхықәкы хада – Аԥсныи Қырҭтәылеи рыбжьара абџьар мчы ахамырхәаразы изинтәу аиқәшаҳаҭра анапаҵаҩра – ааигәатәра иацхраауеит. Ари адокумент атекст азы ҳара ҳазгәаҭарақәа ҟаҳҵоит, урыстәылатәи, аахыҵуаԥстәылатәи ҳколлегацәагьы дара ргәаанагарақәа рҳәоит. Адокумент апроект ҳалацәажәалоит, иҭаҳҵаалоит, аиҿцәажәаратә процесс позитивла аҿиара иацхраауеит ҳәа агәаанагара ҳаур, ҳадыглоит».

Женеватәи аиҿцәажәарақәа рформат иҵегь аус адулара аганахьала Иракли Хынҭәба иазгәеиҭеит: «Аԥснытәи аган иҟанаҵаз ажәалагалақәа амч шрымоу иаанхоит. Аиҿцәажәарақәа мышкы еиҳаны реиҵыхра ҳақәшаҳаҭым. Зегь мышкы иҭаугӡаратә иҟоуп. Ганкахьала, аусура ҩ-гәыԥк рыла еиҟәшоуп Медведев-Саркози реиқәшаҳаҭра апринципқәа инарықәыршәаны. Аха уи иаҵанакуам аганқәа зегьы аинтерес ахьеицрымоу актуалтә зҵаарақәа алахәцәа зегьы рҽеидкыланы изрылацәажәом ҳәа, уи азы хазы аиҿкааратә формақәа алхзар ауеит. Ҳара ҳажәалагалақәеи ҳгәаанагарақәеи аҵыхәтәанынӡа иҳахьчалоит», – ҳәа ихиркәшеит Хынҭәба.

Иааиуа аиҿцәажәарақәа мҩаԥысуеит ҳазҭоу ашықәс хәажәкыра 26-27 рзы.


Возврат к списку



Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21