28.05.2012 Адәныҟатәи аусқәа рминистр Италиантәи анаплакыҩцәа рделегациа идикылеит

Аҧсны Адәныҟатәи аусқәа рминистрраҿы имҩаҧысит аминистр В. Чрыгбеи италиатәи анаплакыҩцәа рделегациеи реиҧылара. Аделегциа иалахәын: Еиҭамҵуа амал аилазаара алахәыла, Агроааглыхратә еилазаара «LPR» атехника-финанстә консультант М. Марчини, Аилазаара «LPR» анџьныр-аменеџьер Леонардо Росси, Агроааглыхратә еилазаара «LPR» азиндырратә хаҭарнак Ламберто Росси. Аиҧылара ихы алаирхәит Италиа иҟоу Аҧсны Адәныҟатәи аусқәа рминистрра ахаҭарнак Мауро Мурджиа. Асасцәа еилахәу аҧсуа-италиатәи агроааглыхратә наплакы аартраҿы аинтрес шрымоу аадырҧшит, иара убас атуризм аусхкаҿцы аусеицура ишазыхиоу азгәарҭеит. Ламберто Росси аминистр изеиҭеиҳәеит Пезаро ақалақь аҟны атуризми, агроааглыхратә наплакреи аргылареи русхкаҿы Аилазаара «LPR» имҩаҧнаго апроектқәа зеиҧшроу. Л. Росси иажәақәа рыла, ари раҧхьатәи Аҧсныҟа рааироуп, уи аибадырратә ҟазшьа амоуп. «Ҳгәы иҭоуп Аҧсны аҭагылазаашьа зеиҧшроу аилкааразы ихаҭәаау аинформациа ҳазҭаша ауааи ҳареи ҳаикәшәарц. Анаҩс еицаҳзеиҧшу аинвестициатә проектқәа рымҩаҧгарагьы ҳазхәыцуа ҳалагоит», – иҳәеит иара.

24.05.2012 Лаҵарамза 22 Венесуела иҟоу Аҧснытәи аделегациа аҭааит Боливариантәи Ареспублиа Венесуела Агәабзиарахьчара аминистрра иатәу еицырдыруа Ахәыҷтәы кардиологиатә центр

Лаҵарамза 22 Венесуела иҟоу Аҧснытәи аделегациа аҭааит адунеи аҿы еицырдыруа Боливариантәи Ареспублиа Венесуела Агәабзиара ахьчара аминистрра иатәу Ахәыҷтәы кардиологиатә центр. Ари ахәышәтәырҭатә центр аҟны акардиологиатә чымазарақәа змоу ахәыҷқәа рхәышәтәуеит, урҭ рҭаацәареи дареи еицышьҭазарц аҭагылазаашьақәа ыҟоуп. Ацентр аҟны араион иазхаша ахирургиатә кадрқәа разыҟаҵара мҩаҧысуеит. Ахәышәтәырҭа аиҳабыра рҧылараан Венесуела агәабзиара ахьчара аиҿкаара асистемеи хәыда-ҧсада амедицинатә цхыраара рыҭара асистемеи русура иазааҭгылеит. Аҧснытәи ахәыҷқәа ари ацентр аҟны рҽырхәышәтәлартә еиҧш аҭагылазаашьа аҧҵара иазку аиқәшаҳаҭра алацәажәара ахацыркразы аамҭа алырхит. Аҭаара ахыркәшамҭаз аҧсуа делегациа алахәылаҩцәа Венесуела ахәыҷқәа рыхәышәтәразы ацентр аҟны ршьа арҭеит.

24.05.2012 Аԥсны Адәныҟатәи аусқәа рминистр Виачеслав Чрыгбеи Аџьар ҟаԥшь Жәларбжьаратәи акомитет ахада Лиук Хааси реиԥпылара мҩаԥысит

Имҩаҧысит Аҧсны Адәныҟатәи аусқәа рминистр Виачеслав Чрыгбеи Аџьар ҟаҧшь Жәларбжьаратәи акомитет ахада Лиук Хааси реиҧпылара. Аиҧылараҿы ҷыдала иазааҭгылан «Хабарда ибжьаӡыз» захьӡу апрограмма аусура, иара убас егьырҭ азҵаарақәагьы. Лиук Хаас Аҧсны Адәныҟатәи аусқәа рминистрра аҕба «Хакки Чиллиоглу» арныҟәцаҩцәа ҧшьҩык ақырҭуа ган арыҭаразы имҩаҧнагаз акциақәа рыхә ҳаракны иишьеит.

22.05.2012 Аҧсны Адәныҟатәи аусқәа рминистр В. Чрыгба Урыстәылатәи Афедерациа Адәныҟатәи аусқәа рминистр имаҵурахьы С. Лавров иалхра идиныҳәалеит

Аҧсны Адәныҟатәи аусқәа рминистр В. Чрыгба Урыстәылатәи Афедерациа Адәныҟатәи аусқәа рминистр имаҵурахьы С. Лавров иалхра идиныҳәалеит. Адныҳәалараҿы иаҳәоит: «Адәныҟатәи аусқәа рминистрс шәыҟазаара аамҭа иалагӡаны адәныҟатәи аполитика ахырхарҭала урыстәылатәи адипломатиа аҩаӡара акырӡа иазҳаит. Ааҧсара зқәымкәа инашәыгӡо шәусура ззынархоу адунеи аҿы Урыстәылатәи Афедерациеи уи апартниорцәеи ринтересқәа рыхьчара ауп».

22.05.2012 Лаҵарамза 21 Каракас ақалақь аҟны Венесуела Адәныҟатәи аусқәа рминистрраҿы аминистрцәа рхаҭыҧуаа рыҩыӡараҿы имҩаҧысит аҧсуа гани венесуелатәи агани реиҧылара

Лаҵарамза 21 Каракас ақалақь аҟны, Венесуела Адәныҟатәи аусқәа рминистрраҿы аминистрцәа рхаҭыҧуаа рыҩыӡараҿы аҧсуа гани венесуелатәи агани реиҧылара мҩаҧысит. Аҧснытәи аделегациа, уи аиҳабы Иракли Хынҭәба инахыс, иалахәын Венесуелеи Никарагуеи иҟоу Аҧсны ацҳаражәҳәаҩ Заур Гәаџьаа, Урыстәылатәи Афедерациаҟны Аҧсны ахәаахәҭратә хаҭарнак Олег Барцыц, иара убас Латинатәи Америкеи Азиеи Аокеан ҭынчи ррегион аҟәша аиҳабы Адгәыр Чегиа.

10.05.2012 Женеватәи аиҿцәажәарақәа рхантәаҩцәа иааираны иҟоу аиҧылара азҵаарақәа ирылацәажәеит

Лаҵарамза 10 Аҟәа имҩаҧысит Аҧсны Адәныҟатәи аусқәа рминистр Виачеслав Чрыгбеи Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа рхантәаҩцәеи реиԥылара. Ахантәаҩцәа Филипп Лефор (Евро-Еидгыла), Падриг Мерфи (ОБСЕ), Анти Турунен (ООН) уи азы Аԥсныҟа иааит.

09.05.2012 Афашизм Аиааира амш азы «Италиа-Аҧсны» Ассоциациа Ахада Мауро Мурџиа Пезаро ақалақь аҟны афашизм ақәҧараан иҭахаз италиатәи апартизанцәа рбаҟаҿы ашәҭқәа шьҭаиҵеит

Афашизм Аиааира амш азы «Италиа-Аҧсны» Ассоциациа Ахада Мауро Мурџиа афашизм ақәҧараан иҭахаз италиатәи апартизанцәа Пезаро ақалақь аҟны игылоу рбаҟаҿы ашәҭқәа шьҭаиҵеит. «Джузеппе Гарибальди» захьӡыз италиатәи афашизм ақәҧаҩцәа рбатальон далан ҳара ҳтәылауаҩ Султан Папбагьы. Ихы дамеигӡакәа, гәымшәарыла аибашьра аҵыхәтәантәи амшқәа рҟынӡа уи анацистцәа драбашьуан.

09.05.2012 Аҧсны Адәныҟатәи аусқәа рминистр В. Чрыгба Анапынҵа ҷыдақәеи амчлшара нагӡеи змоу Урыстәылатәи Афедерациа Ацҳаражәҳәаҩ Аиааира Ду Амш идиныҳәалеит

Аҧсны Адәныҟатәи аусқәа рминистр В. Чрыгба Анапынҵа ҷыдақәеи амчлшара нагӡеи змоу Урыстәылатәи Афедерациа ацҳаражәҳәаҩ С. Григориев 1941-1945 шш. рзтәи Аџьынџьтәылатә Еибашьра Ду аҟны Аиааира Амш идиныҳәалеит. Адныҳәалараҿы иаҳәоит: « Хашҭра зқәым амш – маи 9 аҭоурых аҿы иаанхоит ҳәаа змам агәырӷьара ацны, асовет жәлар афашисттә Германиа иаиааины Аибашьра Ду шындырҵәаз зыршаҳаҭуаз артиллериа абжьқәа рыла. Иахьа иҷыдоу мшуп, гәык-ҧсыкала ишәыдаҳныҳәалоит Аиааира амш, хықәкыла ҭабуп ҳәа раҳҳәоит аветеранцәа: афронт аҟны хамеигӡарада еибашьуаз афырхацәа, атыл аҟны зџьабаа рацәоу аусуҩцәа, алагерқәа рҟны залымдарала иҭакыз ауааҧсыра – арҭ ракәҵәҟьоуп аибашьра аҭагәҭасрақәа зегьы ирхысны, Аиааира агьама здырыз!»

09.05.2012 Аҧсны Адәныҟатәи аусқәа рминистр В. Чрыгба Урыстәылатәи Афедерациа Адәныҟатәи аусқәа рминистр С. Лавров Аиааира Ду Амш идиныҳәалеит

Аҧсны Адәныҟатәи аусқәа рминистр В. Чрыгба Урыстәылатәи Афедерациа Адәныҟатәи аусқәа рминистр С. Лавров 1941-1945 шш. рзтәи Аџьынџьтәылатә Еибашьра Ду аҟны Аиааира Амш идиныҳәалеит. Адныҳәалараҿы иаҳәоит: «Маи 9 –алахьеиқәра зцу ныҳәоуп, есышықәса ари амшаҽны еиҭаҳгәалашәоит усҟантәи аибашьра хьанҭаӡа ахгара шыуадаҩыз. Ҳгәалашәараҿы наунагӡа иаанхоит аҧсра иацәымшәакәа, Аҧсадгьыл ахьчаразы ҧхьаҟа жәылара ицоз, атыл аҟны зусурала аиааира амш ааигәазтәуаз, аибашьра ашьҭахьгьы иҧыххаа иҟаз атәыла шьҭызхуаз афырхацәа».

07.05.2012 Аҧсны Адәныҟатәи аусқәа рминистр Виачеслав Чрыгба Приднестровиа-Модавиатәи Ареспублика Адәныҟатәи аусқәа рминистр Нина Штански адныҳәаларатә шәҟәы лзынаишьҭит Приднестровие Адипломатиатә усзуҩы имш азгәаҭара инамаданы

Приднестровиа-Молдавиатәи Ареспубликаҿы Адипломатиатә усзуҩы имш азгәаҭара инамаданы Аҧсны Адәныҟатәи аусқәа рминистр Виачеслав Чрыгба Приднестровие Адәныҟатәи аусқәа рминистр Нина Штански адныҳәаларатә шәҟәы лзынаишьҭит. Адныҳәалараҿы абас аҳәоит: «Ҳара ҳтәылақәа рыбжьара акыршықәса аиҩызаратә еизыҟазаашьақәа ҿиоит, адипломатиаә усбарҭақәа рганахьала еиҧш егьырҭ ахырхарҭақәа рылагьы. Агәра ганы сыҟоуп ҳаиҩызареи еицаҳзыфеидоу аусеицуреи ҧхьаҟагьы дасу ҳтәылақәеи, ҳажәларқәеи ринтресқәа рыхьчара ишазкызаауа. Ҳаҭыр зқәу Нина Виктор-иҧҳа, ари еиҧш аҭагылазаашьа схы иархәаны, хаҭала шәареи напхгара зышәҭо Приднестровиа-Молдавиатәи Ареспублика Адәныҟатәи аусқәа рминистрра аусзуҩцәеи шәҿаҧхьа иқәшәыргылаз ахықәкқәа рынагӡараҿы ақәҿиарақәа шәзеиӷьасшьоит, аҭынчра, аманшәалара, аизҳазыҕьара шәымазааит!»

04.05.2012 В. Чрыгбеи Алада Кавказ иҟоу Евро-Еидгыла ахаҭарнак ҷыдеи реиқәшәара

Аҧсны Адәныҟатәи аусқәа рминистрраҿы имҩаҧысит аминистр В. Чрыгбеи Алада Кавказ иҟоу Евро-Еидгыла ахаҭарнак ҷыда Ф. Лефори реиқәшәара. Аиҧылараҿы ирзааҭгылан Аидысларақәа раҧырҟәҟәаареи рақәҿыҭреи рзы Амеханизм акәша-мыкәша ишьақәгылаз аҭагылазаашьа аиӷьтәразы ажәалагалақәеи, аидеиақәеи. Иара убасгьы ирзааҭгылан Аҧсны Аҳәынҭқарреи Евро-Еидгылеи реимадара аперспективақәа ирыдҳәалоу азҵаарақәа.

24.04.2012 Аҧсны Адәныҟатәи аусқәа рминистр Виачеслав Чрыгба диыдыикылеит Афедеративтә Республика Германиа ацҳаражәҳәаҩ Ортвин Хениг

Ортвин Хениг иажәақәа рыла, Аҧсныҟа иаара аибадырратә ҟазшьа амоуп, хықәкысгьы иара иҿаҧхьа иқәгылоуп араҟа ауаажәларра-политикатә ҭагылазаашьа зеиҧшроу аилкаара. Аминистр анемец дипломат изеиҭеиҳәеит аҧсуа-ақырҭуатә еизыҟазаашьақәа рҭоурых, насгьы иахьазы Аҧсныи Кырҭтәылеи реизыҟазаашьақәа зеиҧшроу атәы. Виачеслав Чрыгба ацҳаражәҳәаҩ хықәкыла изеиҭеиҳәеит Аҧсны адәныҟатәи аполитикаҿы хырхарҭа хадақәас иамоу, дазааҭгылеит Женеватәи аиҿцәажәарақәа шцо атәы, иара убасгьы Аидысларақәа раҧырҟәҟәаареи рақәҿыҭреи рзы Амеханизм аусура атәы. Германиа ацҳаражәҳәаҩ аминистр иҟаиҵаз адкылара бзиазы ҭабуп ҳәа иеиҳәеит, ҧхьаҟазгьы ари еиҧш аимадара ацҵара дшақәгәыӷуа ааирҧшит.

17.04.2012 Аҧсны Адәныҟатәи аусқәа рминистр Виачеслав Чрыгбеи Урыстәалатәи Афедерациа Адәныҟатәи аусқәа рминистр Сергеи Лаврови реиҿцәажәарақәа

Мшаҧымза 17 Москва ақалақь аҟны имҩаҧысит Аҧсны Адәныҟатәи аусқәа рминистр Виачеслав Чрыгбеи Урыстәалатәи Афедерациа Адәныҟатәи аусқәа рминистр Сергеи Лаврови реиҿцәажәарақәа. Аҧсны аганахьала аиҿцәажҿарақәа рхы рыладырхәит аминистр ихаҭыҧуаҩ Иракли Хынҭәба, Адәныҟатәи аусқәа рминисттра Аҳәынҭқарратә протокол аҟәша аиҳабы И. Тураа, Аҧсны Ахада иусбарҭа Азинтә ҟәша ареферент еиҳабы Д. Сангәлиа, Урыстәыла иҟоу Аҧсны ацҳаражәҳәаҩ И. Ахба, уи иабжьгаҩ Д. Џьынџьал, Урыстәыла иҟоу Аҧсны ацҳаражәҳәарҭа амаӡаныҟәгаҩ М. Аҩӡба, иара убас Урыстәыла иҟоу Аҧсны Ахәаахәҭратә хаҭарнакра аиҳабы О. Барцыц.

31.03.2012 Аҕба “Хакки Чиллиоглу” аҟны иҟаз ҧшьҩык амшынуаа ақырҭуа ган ирыҭоуп

Ақырҭуа-аҧсуаа ҳәааҿы иахьа 14.30 сааҭ рзы имҩаҧысит аҕба “Хакки Чиллиоглу” аҟны иҟаз ҧшьҩык амшынуаа ақырҭуа ган рыҭара. Қырҭтәыла амшынуаа Георги Сапанаӡе, Манучар Болкваӡе, Азиз Варшаниӡе, Сулхан Цецхалиӡе 2011 шықәса маи 16 раахыс аилахәыра Starlet Shipping иатәыз аҕба аҩныҵҟа иҟан.

Адипломат имш инадҳәаланы Аԥсны Адәныҟатәи Аусқәа рминистрра адныҳәалара ҟанаҵеит

Аԥсны Аҳәынҭқарра Адәныҟатәи Аусқәа рминистр Даур Ақаҩба Адипломатиатә усзуҩы имш инадҳәаланы Урыстәылатәи Афедерациа Адәныҟатәи Аусқәа рминистр Сергеи Лавров адныҳәалара изынаишьҭит.

2016 шықәсазтәи аусбарҭа аусура аихшьаалақәа ҟаҵоуп

Имҩаԥысит Аԥсны Адәныҟатәи аусқәа рминистрра 2016 шықәсазтәи аусура иазкыз абрифинг. 2016 шықәса рзы аурыс-аԥсуа еизыҟазаашьақәа еиҳа иӷәӷәахеит, иҭҭәааит лҳәеит ашықәстәи аусура аихшьаалақәа рыҟаҵаразы имҩаԥгаз апресс-конференциаҟны аусбарҭа апресс-маӡаныҟәгаҩ Лаура Ҭаниаԥҳа.

Приднестровиатәи Молдавиатәи Ареспублика Адәныҟатәи аусқәа рминистр Витали Игнатиев Даур Ақаҩба дидныҳәалеит

Приднестровиатәи Молдавиатәи Ареспублика Адәныҟатәи аусқәа рминистр Витали Виктор-иԥа Игнатиев Аԥсны Адәныҟатәи аусқәа рминистр ҿыц Даур Ақаҩба дидныҳәалеит

Аԥсны Аҳәынҭқарра Адәныҟатәи аусқәа рминистрра Франциа Адәныҟатәи аусқәа рминистрра ашҟа агәалсра аанацҳаит

Ԥхынгәы 15 Ницца иҟалаз Атеррористтә акт иахырҟьаны Аԥсны Аҳәынҭқарра Адәныҟатәи аусқәа рминистрра Франциа Адәныҟатәи аусқәа рминистрра ашҟа агәалсратә нота аанацҳаит.

Аҧсни Европеи аимадара ҕәҕәа рыбжьаҵахап ҳәа агәыҕра ҳамоуп – адәныҟатәи аусқәа рминистр Аҧсни Европеи аимадара ҕәҕәа рыбжьаҵахап ҳәа агәыҕра ҳамоуп – адәныҟатәи аусқәа рминистр

“Аҧсны дҵа хаданы иамоуп ихьыҧшым ҳәынҭқаррак аҳасабала жәларбжьаратәи аренахь ацәырҵра, насгьы Европеи ҳареи ҳаизыҟазаашьақәа реиҭашьақәыргылара, хаҭала Италиеи ҳареи ҳаимадара арҕәҕәара”, - ҳәа иҳәеит ахәаша аусутә визитла Рим иҟаз Аҧсны адәныҟатәи аусқәа рминистр Виачеслав Чрыгба.

Новости 621 - 639 из 639
Начало | Пред. | 28 29 30 31 32 | След. | Конец | Все