23.08.2016 Адәныҟатәи аусқәа рминистрра адашшыларатә шәҟәы

Аԥсны Адәныҟатәи аусқәа рминистрра адашшыларатә шәҟәы азынанашьҭит Ҭырқәтәылатәи Ареспублика Адәныҟатәи аусқәа рминистрра, нанҳәа 21 рзы аҭыԥ змаз атеррористтә акт инадҳәаланы.

17.08.2016 Аҧсны адәныҟатәи аусқәа Рминистрра Аушьҭра- гәаҭаратә Пункт “Ҧсоу” аҿы аҳәаанырцәтәи атәылауаа авизақәа рыҭаразы апункт аанартит

Аҧсны адәныҟатәи аусқәа Рминистрра Аушьҭра-гәаҭаратә Пункт “Ҧсоу” аҿы аҳәаанырцәтәи атәылауаа авизақәа рыҭаразы апункт аанартит.

09.08.2016 Москва ихыркәшахеит адипломатцәа қәыԥшцәа ахԥатәи Рфорум

Ихьыҧшым Атәылақәа Реидгыла иалоу аҳәынҭқаррақәеи Аҧсни Аахыҵ Уаҧстәылеи рҟынтәи адипломат ҿарацәа Ахҧатәи рфорум “Ҳаамҭазтәи жәларбжьаратәи аизыҟазаашьақәа рҿы зымҽхак ҭбаау аиҭакрақәа” ҳәа азеиҧш тема аҳәаақәа ирҭагӡаны имҩаҧысит 2016 шықәса нанҳәа 2-3 рзы.

03.08.2016 Аԥсны атәымтәылауаа ралалараан ашьаус ишаҵагылам атәы зҳәо адокумент рымазааразы адырранҵа

Аԥсны Аҳәынҭқарра Адәныҟатәи аусқәа рминистрра аилкаара ҟанаҵоит ашәарҭадара инадҳәаланы иара убасгьы Аԥсны Аҳәынҭқарра аҵакырадгьыл ахь ашьаус иаҵагылоу атәымтәылауаа ралалара аԥырҟәҟәаазарц азы иахәҭаны ианыҟоу азыҳәа ҟазҵо ишидырҵо «Ашьаус шьҭазаара афакт шыҟам азы» адокумент имазарц.

02.08.2016 Аинцидентқәа рызхьаҧшреи рҧырҟәҟәаареи азы Амеханизм аҳәаақәа ирҭагӡаны, ҩажәи жәаатәи аиҧылара Гал ақалақь имҩаҧысит

2016 шықәса нанҳәа 2 рзы Гал ақалақь Аинцидентқәа рызхьаҧшреи рҧырҟәҟәаареи азы Амеханизм аҳәаақәа ирҭагӡаны, ҩажәи жәаатәи аиҧылара мҩаҧысит.

19.07.2016 Аԥсны Аҳәынҭқарраҿы иҭаҩу аиҳабыра иатәым жәларбжьаратәи ахеидкылақәа реиҳабацәа злахәыз аиԥылара иазкны

Ԥхынгәы 19 аҽны Адәныҟатәи аусқәа рминистр ихаҭыԥуаҩ Кан Ҭаниа Аԥсны Аҳәынҭқарраҿы иҭаҩу аиҳабыра иатәым жәларбжьаратәи ахеидкылақәа реиҳабацәа злахәыз аиԥылара мҩаԥигеит.

18.07.2016 Ҭырқәтәыла Ареспубликаҿы иҟоу аҭагылазаашьа иазкны Аԥсны Аҳәынҭқарра Адәныҟатәи аусқәа рминистрра ахҳәаа

Аԥсны Аҳәынҭқарра Адәныҟатәи аусқәа рминистрра Ҭырқәтәыла Ареспубликаҿы иҟоу аҭагылазаашьа аҿиара ҷыдала иазхьаԥшуеит, атәыла аиҳабыра бџьаршьҭыхлатәи аҿагыларазгьы агәҭынчымра аанарԥшуеит. Ҭырқәтәыла Ареспубликаҿы иҟоу аҭагылазаашьа еиӷьхоит, аҭышәынтәалареи адемократиеи рыҽдырӷәӷәоит лассы ҳәа агәыӷра ҳамоуп.

15.07.2016 Адәныҟатәи аусқәа рминистр ихаҭыԥуаҩ Кан Ҭаниа МАЖәАР (МГИМО) У Урыстәыла Адәныҟатәи аусқәа рминистрра иатәу астудентцәа злахәыз аиԥылара мҩаԥигеит

Ԥхынгәы 15 Аԥсны Адәныҟатәи аусқәа рминистрраҿы Адәныҟатәи аусқәа рминистр ихаҭыԥуаҩ Кан Ҭаниа МАЖәАР (МГИМО) У Урыстәыла Адәныҟатәи аусқәа рминистрра иатәу астудентцәа злахәыз аиԥылара мҩаԥиге

15.07.2016 Аԥсны Аҳәынҭқарра Адәныҟатәи аусқәа рминистрра Франциа Адәныҟатәи аусқәа рминистрра ашҟа агәалсра аанацҳаит

Ԥхынгәы 15 Ницца иҟалаз Атеррористтә акт иахырҟьаны Аԥсны Аҳәынҭқарра Адәныҟатәи аусқәа рминистрра Франциа Адәныҟатәи аусқәа рминистрра ашҟа агәалсратә нота аанацҳаит.

14.07.2016 Аԥсны Аҳәынҭқарра Адәныҟатәи аусқәа рминистрра Италиа Адәныҟатәи аусқәа рминистрра ашҟа апассаџьырцәа рдәыӷбақәа реиқәшәара иахырҟьаны агәалсра аанарԥшит

Апулиа арегион аҟны ԥхынгәы 12 аҽны иҟалаз апассаџьырцәа рдәыӷбақәа реиқәшәара иахырҟьаны, зылҵшәала 27 ахьҭахази 50 ахәрақәа ахьроузи, Аԥсны Аҳәынҭқарра Адәныҟатәи аусқәа рминистрра Италиа Адәныҟатәи аусқәа рминистрра ашҟа аагәалсра аанарԥшит.

13.07.2016 UNICEF ахаҭарнакцәа злахәыз аиԥылара иазкны

Аԥсны Аҳәынҭқарра Адәныҟатәи аусқәа рминистр ихаҭыԥуаҩ Кан Ҭаниеи ЕАР (ООН) (UNICEF) Ахәыҷқәа рфонд арегионалтә хаҭарнакцәеи реиԥылара мҩаԥысит.

11.07.2016 Аԥсны Аҳәынҭқарра Адәныҟатәи аусқәа рминистр Виачеслав Чрыгба Сербскаиа Ареспублика аделегациа злахәыз аиԥылара мҩаԥигеит

Аԥсны Аҳәынҭқарра Адәныҟатәи аусқәа рминистр Виачеслав Чрыгба Сербскаиа Ареспублика аҟнытә аиҩызаратә ҟазшьа змаз аделегациа, Жәларбжьаратәи ахеидкыла “Наследники победы” акоординатор Душко Вукотичи Жәларбжьаратәи ахеидкыла “Наследники победы” амаӡаныҟәгаҩ хада Миленко Марковичи злахәыз аиԥылара мҩаԥигеит.

06.07.2016 Рашәара 6, 2016 шықәсазы ақалақь Гал аҟны имҩаԥысит аинцидентқәа раԥыхреи разхьаԥшреи рзы амеханизмқәа (МПРИ) ирызку ҩажәи жәибыжьтәи аиԥылара

Аиԥылараҿы ирылацәажәан иакымкәа азҵаарақәа, урҭ рхыԥхьаӡараҿы иҟоуп жәабран 3, 2007 шықәсазы ақалақь Гал иҟалаз араионтә алхратә комиссиа аиҳабы Давид Сигуа иӷьычра, жьҭаара 22, 2008 шықәсазы ахыхьчара аминистрра аррамаҵуҩы аподполковник Едуард Еминзадзе ишьра, аҭыԥантәи аҭагылазаашьақәа рыхҳәаа.

06.07.2016 Виачеслав Чрыгбеи Аԥсны иҟоу Никарагуа Аҷыдалкаатәи Мчызмоуи Ацҳаражәҳәаҩ Хуан Ернесто Васкес Араиеи реиԥылара

Аԥсны Аҳәынҭқарраҿы иҟоу Никарагуа Аҷыдалкаатәи Мчызмоуи Ацҳаражәҳәаҩ Хуан Ернесто Васкес Араиа Аԥсны Аҳәынҭқарра Ахада Рауль Џьумка-иԥа Ҳаџьымба Агәраргагатә шәыҟәқәа ианашьара ацеремониа аҳәаақәа ирҭагӡаны Аԥсны Адәныҟатәи аусқәа рминистр Виачеслав Чрыгба дидикылеит. Виачеслав Чрыгба иааԥхьаратә ажәахә аҿы иазгәеиҭеит: «Шәаҳаракыра, ҳаҭыр зқәу Ацҳаражәҳәаҩ, гәахәа дула шәааҳаԥхьоит иахьа Адәныҟатәи аусқәа рминистрраҿы Аԥсны Аҳәынҭқарраҿы иҟоу Никарагуа Аҷыдалкаатәи Мчызмоуи Ацҳаражәҳәаҩ Хуан Ернесто Васкес Араиа Аԥсны Аҳәынҭқарра Ахада Рауль Џьумка-иԥа Ҳаџьымба

05.07.2016 Боливариантәи Ареспублика Венесуела Ахьыԥшымра Амш иазкны Аԥсны Аҳәынҭқарра Адәныҟатәи аусқәа рминистр Виачеслав Чрыгба Боливариантәи Ареспублика Венесуела Адәныҟатәи аусқәа рминистр Делси Родригес Гомес адныҳәаларатә нота изынаицҳаит

Боливариантәи Ареспублика Венесуела Ахьыԥшымра Амш иазкны Аԥсны Аҳәынҭқарра Адәныҟатәи аусқәа рминистр Виачеслав Чрыгба Боливариантәи Ареспублика Венесуела Адәныҟатәи аусқәа рминистр Делси Родригес Гомес адныҳәаларатә нота изынаицҳаит.

28.06.2016 Нхыҵ Кавказ ашәарҭадареи аҭышәынтәалареи рзы жәларбжьаратәи 36 Женеватәи аимакқәа рраунди Италиа аҭаареи ирызку апресс-конференциа

Рашәара 28 аҽны Аԥсны Адәныҟатәи аусқәа рминистрраҿы Нхыҵ Кавказ ашәарҭадареи аҭышәынтәалареи рзы жәларбжьаратәи 36 Женеватәи аимакқәа рраунди Италиа аҭаареи ирызку Адәныҟатәи аусқәа рминистр Виачеслав Чрыгба ипресс-конференциа мҩаԥысит. Апресс-конференциа иалахәын иара убас аминистр ихаҭыԥуаа Олег Аршбеи Кан Ҭаниеи.

23.06.2016 Папа Римтәи Аилахәыра «Европа-Аԥсны» иааиԥхьеит

Рашәара 15 ҳазҭагылоу ашықәс азы Ватикан даҽазнык имҩаԥысыз Пиотр ԥшьа иашҭаҟны Папа Римтәи Франциск идкылара хада иалагӡаны, Понтифик иажәахә алагалатә хәҭаҿы ари адкылара хадахьы ааԥхьара змаз егьырҭ ахеидкылақәа реиқәыԥхьаӡаҿы Аилахәыра «Европа-Аԥсны» иааиԥхьеит.

22.06.2016 Италиа астол гьежь аҿы дықәгылеит Аминистр ихаҭыԥуаҩ Кан Ҭаниа

Италиатәи Аилахәыра Рондине еиҿнакааз Youtopic fest апроект аҳәаақәа ирҭагӡаны, рашәара 19 аҽны Аԥсны Аҳәынҭқарра Адәныҟатәи аусқәа рминистр ихаҭыԥуаҩ Кан Ҭаниа Кавказ иҟоу аимак-аиҿакқәа рызҵаарала астол гьежь аҿы дықәгылеит. Иқәгылоз рхыԥхьаӡараҿы иҟан OSCE (ОБСЕ) Амаӡаныҟәгаҩ Хада Ламберто Заньер, Италиа иҟоу Ермантәыла Аҷыдалкаатәи Мчызмоуи ацҳаражәҳәаҩ Саркис Казариан, иара убас OSCE (ОБСЕ) Апарламенттә ассамблеиа анкьатәи ахада Риккардо Мильори. Аиҿцәажәарақәа рхыркәшамҭаз Аԥсны Аҳәынҭқарра Адәныҟатәи аусқәа рминистр ихаҭыԥуаҩ Кан Ҭаниеи OSCE (ОБСЕ) Амаӡаныҟәгаҩ Хада Заньери OSCE (ОБСЕ) иазку азҵаарала аиҿцәажәара мҩаԥыргеит аԥсуа гангьы уи злалахәу ала.

17.06.2016 Италиа иаартуп Дырмит Гәлиа ихьӡ зху Аԥсуа Акультура Аинститут

Рашәара 17, 2016 шықәсазы иаартын раԥхьаӡатәи аҳәаанхыҵтәи Дырмит Гәлиа ихьӡ зху Аԥсуа Акультура Аинститут. Италиа аҳҭнықалақь Рим имҩаԥысуаз аартра ацеремониа иалахәын Аԥсны Аҳәынҭқарра Адәныҟатәи аусқәа рминистр Виачеслав Чрыгба, Аминистр ихаҭыԥуаҩ Кан Ҭаниа, Франциа иҟоу Аԥсны Аҳәынҭқарра Адәныҟатәи аусқәа рминистрра аофициалтә хаҭарнак Џьемиле Диундар, иара убас аинформациа аҟәша аиҳабы Ҭенгиз Ҭарба.

15.06.2016 Женеватәи аиҿцәажәарақәа 36-тәи рраунд иазкны

Рашәара 14 инаркны 15-нӡа Нхыҵ Кавказ ашәарҭадареи аҭышәынтәалареи ирызкны Женева имҩаԥысит 36-тәи Жәларбжьаратәи аиҿцәажәарақәа рраунд. Аԥсны Аҳәынҭқарра аделегациа, Адәныҟатәи аусқәа рминистр Виачеслав Чрыгба напхгара зиҭоз, иалахәын Адәныҟатәи аусқәа рминистрра аусзуҩцәа – Лаша Аҩӡба, Денис Оҭырба, Иракли Ҭыжәба, Ҭенгиз Ҭарба. Аус мҩаԥысуан ҩ-усуратә гәыԥны – ашәарҭадареи агуманитартә зҵаарақәеи рыла.

Новости 81 - 100 из 639
Начало | Пред. | 3 4 5 6 7 | След. | Конец | Все