aps | rus | eng | tur | de | it | ar | esp | fr


Аԥсны Аҳәынҭқарра
Адәныҟатәи аусқәа рминистрра

Аимадаратә информациа:
Аҭыӡҭыԥ: 384900 Лакоба имҩа 21, ақ. Аҟәа
+7 940 996 39 48 (амоб.)
+7 840 226 39 48 (аус.)
E-mail: visa@mfaapsny.org


Гал ақалақь аҟны имҩаԥысит изаамҭанытәиу, 47-тәи аинцидентқәа раԥырҟәҟәаарази хырыҩ рыҭарази Амеханизм алахәылацәа реиԥылара
Приднестровтәи Молдавтәи Ареспублика адәныҟатәи аусқәа Рминистрра аҿы Даур Ақаҩбеи Витали Игнатиеви реиҧылара мҩаҧысит

26.06.2012 Аҧсны Адәныҟатәи аусқәа рминистр идикылеит британиатәи иҳәынҭқарратәым аилазаара «Аинраалара аресурсқәа» ахаҭарнакцәа Џьонатан Коени Реичел Клогги

Аҧсны Адәныҟатәи аусқәа рминистр идикылеит британиатәи иҳәынҭқарратәым аилазаара «Аинраалара аресурсқәа» ахаҭарнакцәа Џьонатан Коени Реичел Клогги. Аиҧылара далахәын Аҧсны Адәныҟатәи аусқәа рминистр ихаҭыҧуаҩ Иракли Хынҭәба. Аиҧылараҿы иазааҭгылан Аахыҵ Кавказ ишьақәгылаз аҭагылазаашьа, жәларбжьаратәи нас арегионалтәи аконтекстқәа. Ирылацәажәеит, иара убас, аҧсуа-ақырҭуа конфликт атрансформациа азураҿы жәларбжьаратәи иҳәынҭқарратәым аилазаарақәа рылахәхара азҵаарақәа.

Аҧсны Адәныҟатәи аусқәа рминистр Виачеслав Чрыгба дырҧылеит Приднестровие иҟоу Азинмчра змоу Аҧсны Аҳәынҭқарра ацҳаражәҳәаҩ Александр Ватамани Аҧсны иҟоу Приднестровие-Молдавиатәи Ареспублика аофициалтә хаҭарнакра аиҳабы Гарри Кәпалбеи 25.06.2012 Аҧсны Адәныҟатәи аусқәа рминистр Виачеслав Чрыгба дырҧылеит Приднестровие иҟоу Азинмчра змоу Аҧсны Аҳәынҭқарра ацҳаражәҳәаҩ Александр Ватамани Аҧсны иҟоу Приднестровие-Молдавиатәи Ареспублика аофициалтә хаҭарнакра аиҳабы Гарри Кәпалбеи

Аҧсны Адәныҟатәи аусқәа рминистр Виачеслав Чрыгба дырҧылеит Приднестровие иҟоу Аҧсны Аҳәынҭқарра Азинмчра змоу ацҳаражәҳәаҩ Александр Ватамани Аҧсны иҟоу Приднестровие-Молдавиатәи Ареспублика аофициалтә хаҭарнакра аиҳабы Гарри Кәпалбеи. Аиҧылараҟны аганқәа ргәаанагарақәа еибырҳәеит Аҧсныи Приднестровиеи реизыҟазаашьақәа зеиҧшроу, проблемақәас ицәырҵуа уҳәа ирызкны.

Аҧсны Адәныҟатәи аусқәа рминистрра аделегациа Приднестровие-Молдавиатәи Ареспубликахь иҟарҵаз аусуратә визит хдыркәшеит 21.06.2012 Аҧсны Адәныҟатәи аусқәа рминистрра аделегациа Приднестровие-Молдавиатәи Ареспубликахь иҟарҵаз аусуратә визит хдыркәшеит

Приднестровие-Молдавиатәи Ареспублика Адәныҟатәи аусқәа рминистрра иҟанаҵаз ааҧхьарала рашәарамза 11 ианркны 19-нӡа Аҧсны Адәныҟатәи аусқәа рминистрра аделегациа усуратә визитла Приднестровие-Молдавиатәи Ареспублика иаҭааит, аминистррабжьаратәи аконсультациақәа рымҩаҧгареи Адипломатцәа ҿарацәа реизара аилатәара аҽалархәреи рзы.

19.06.2012 Аҧсны Адәныҟатәи аусқәа рминистр Виачеслав Чрыгба Бендертәи атрагедиа 20 шықәса ахыҵра инамаданы адышшылара ҟаиҵеит

Аҧсны Адәныҟатәи аусқәа рминистр Виачеслав Чрыгба Бендертәи атрагедиа 20 шықәса ахыҵра инамаданы адышшылара ҟаиҵеит. Адышшылараҿы иаҳәоит: «Ари амш азы иҭахаз рҭаацәарақәа зегьы ҳгәы ишалсыз рашәҳәа, ари нахысгьы Приднестровие ажәлар аҭынчреи аизҳазыӷьареи рымазааит». 1992 шықәсазы Бенедертәи ашьаарҵәыратә еидыслараан иҭахеит зықьҩык инарзынаҧшуа аруааи ауааҧсыреи.

Аҧсны Адәныҟатәи аусқәа рминистр Виачеслав Чрыгба дидикылеит Қырҭтәыла иҟоу Чехиатәи Ареспублика Ацҳаражәҳәаҩ Иван Естраб 18.06.2012 Аҧсны Адәныҟатәи аусқәа рминистр Виачеслав Чрыгба дидикылеит Қырҭтәыла иҟоу Чехиатәи Ареспублика Ацҳаражәҳәаҩ Иван Естраб

Аиҧылараҿы ирылацәажәан Аҧсны иахьазы ишьақәгыланы иҟоу аҭагылазаашьеи, Европеи Аҧсныи ҧхьаҟатәи реизыҟазаашьақәа рыҿиара иазку азҵаарақәеи. Аминистр В. Чрыгба атәылаҿы ишьақәгыланы иҟоу аполитикатә ҭагылазаашьа дазааҭгылеит, иеиҭеиҳәеит Женеватәи аиҿцәажәарақәа рымҩаҧысшьа атәы, иара убас Европа атәылақәеи ҳареи иҳабжьаз аимадарақәа реиҭашьақәыргыларазы агәыӷра ааирҧшит. «Ҳара хықәкыс иҳамоуп арегион аҿы азеиҧш шәарҭадаратә система ҳахәҭакхарц», – иҳәеит Чрыгба.

Ҭырқәтәыла аҳәынҭқарратә ҵараиурҭақәеи ашколқәеи рҿы аҧсуа бызшәа арҵара хацыркхар ауеит 15.06.2012 Ҭырқәтәыла аҳәынҭқарратә ҵараиурҭақәеи ашколқәеи рҿы аҧсуа бызшәа арҵара хацыркхар ауеит

Рашәарамза 14, 2012 ш. иҭыҵыз ҭырқәтәылатәи агазеҭ «Hurriyet» излаанацҳауа ала, Ҭырқәтәыла апарламент аҟны иҩаҧысит аҧыза-министр Таип Ердоган Ҭырқәтәыла аҳәынҭқарратә ҵараиурҭақәеи ашколқәеи рҿы акурд бызшәа хаҭала иалухуа маҭәарк аҳасабала алагалара иазкны иҟаиҵаз аҳәамҭазы аилатәара. Аҧыза-министр иаамышьҭахь дықәгылеит Ҭырқәтәыла Аҵара аминистр Омер Динчер, уи ажәалагала ҟаиҵеит Ҭырқәтәыла аҳәынҭқарратә ҵараиурҭақәеи ашколқәеи рҿы атәыла иқәынхо егьырҭ ажәларқәагьы рбызшәақәа дырҵара аҧшьгаразы, аҧсуа бызшәагьы уахь иналаҵаны. Ҭырқәтәыла Аҵара аминистр иҟаиҵаз аҳәамҭаҿы иазгәеиҭоит, хаҭала иалухуа маҭәарк аҳасабала бызшәак алагаларазы уи зҵарц зҭаху 10-12-ҩык иреиҵамкәа иҟазар ауп ҳәа. Аҵара аминистр ирылаиҳәеит абызшәа арҵаратә процесс алагаларазы иахәҭаны ишыҟоу аспециалтә рҵаратә программақәеи, арҵага шәҟәқәеи уҳәа уб. иҵ. Иазгәаҭатәуп, ари азҵаара Ҭырқәтәылатәи апарламент аҟны аҵыхәтәантәи 5 шықәса ирылагӡаны изныкымкәа ишалацәажәахьаз.

13.06.2012 Рашәарамза 13 Аҧсны Адәныҟатәи аусқәа рминистр ихаҭыҧуаҩ Иракли Хынҭәба ақалақь Нижни Новгород аҟынтәи аделегациа идикылеит

Рашәарамза 13 Аҧсны Адәныҟатәи аусқәа рминистр ихаҭыҧуаҩ Иракли Хынҭәба ақалақь Нижни Новгород аҟынтәи аделегациа идикылеит. Аделегациа иалахәын Нижни Новгород иҟоу аҳаҭыр зқәу Аҧсны Аҳәынҭқарра ацҳаражәҳәаҩ В. Литвинчук, Лобачевски ихьӡ зху Нижегородтәи аҳәынҭқарратә университет аректор ицхырааҩ А. Ушаков, Нижегородтәи аобласт Ауаажәларратә палата аҿар рыпроблемақәа рзы акомиссиа ахантәаҩы Е. Чуманкина, иара убас агазеҭ «Новое дело» аредактор хада ихаҭыҧуаҩ В. Андриухин.

Рашәарамза 11 Аҧсны Адәныҟатәи аусқәа рминистрра ахаҭарнакцәа усуратә визитла Приднестровие-Молдавиатәи Ареспублика иаҭааит 13.06.2012 Рашәарамза 11 Аҧсны Адәныҟатәи аусқәа рминистрра ахаҭарнакцәа усуратә визитла Приднестровие-Молдавиатәи Ареспублика иаҭааит

Рашәарамза 11 Аҧсны Адәныҟатәи аусқәа рминистрра ахаҭарнакцәа усуратә визитла Приднестровие-Молдавиатәи Ареспублика иаҭааит. Аделегациа иалахәын: Урыстәылатәи Афедерациеи, СНГ атәылақәеи, Приднестровиа-Молдавиатәи Ареспубликеи, Аахыҵ Уаҧстәылеи, Қырҭтәылеи рыҟәша аиҳабы Иракли Ҭыжәба, Аконсултә маҵзура аиҳабы ихаҭыҧуаҩ Лаша Аҩӡба, иара убас, Приднестровиа-Молдавиатәи Ареспубликаҿы азинмчра нагӡа змоу Аҧсны Аҳәынҭқарра Ахаҭарнак Александр Ватаман.

Иҭыҵит «Аҧсны азы Еиду амилаҭқәа реилазара (ООН) адокументқәа» актәи атом 12.06.2012 Иҭыҵит «Аҧсны азы Еиду амилаҭқәа реилазара (ООН) адокументқәа» актәи атом

Иҭыҵит «Аҧсны азы Еиду амилаҭқәа реилазара (ООН) адокументқәа» актәи атом. Х-томкны иҟоу аизга еиднакылоит Ассамблеиа Хада арезолиуциақәа, амаӡаныҟәгаҩ хадацәа ражәахәқәа уҳәа егьырҭ ООН адокументқәа, урҭ хҭыс рацәала еиларсу Аҧсны аҵыхәтәантәи 20 шықәсазтәи аполитикатә ҭоурых аҵаразы хархәага бзиоуп. Адокументқәа ирыҵаркуеит 1992 шықәса инаркны 2009 шықәсанӡатәи аамҭа. Ашәҟәы еиқәыршәоуп Аҧсны Аҭҵаарадыррақәа ракадемиа иатәиу Д. Гәлиа ихьӡ зху Аҧсуаҭҵааратә институт Аполитологиеи аконфликтологие рыҟәша аҟны, «Аҧсны аполитикатә ҭоурых азы адокументқәа» захьӡу апроект аҳәаақәа ирҭагӡаны. Аизга аиқәыршәаҩ – Асҭанда Хашҧҳа, аредактор – Виачеслав Чрыгба, аҭҵаарадырратә ҧхьажәа автор – Иракли Хынҭәба. Ашәҟәы рзыинтересхоит Аҧсны иҿыцӡоу аҭоурых ҭызҵаауа аҭоурыхҭҵааҩцәа, иара убас аполитологцәеи, аконфликтологцәеи, азиндырыҩцәеи, астудентцәеи.

Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа рҟны Аҧсны Аҳәынҭқарра ахаҭарнакцәеи Аахыҵ Уаҧстәыла ахаҭарнакцәеи «Аҧсныи Аахыҵ Уаҧстәылеи рганахьала «ампыҵахалара», «импыҵахалоу аҵакырадгьылқәа» ҳәа атерминқәа рхархәара шзинтәым а 11.06.2012 Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа рҟны Аҧсны Аҳәынҭқарра ахаҭарнакцәеи Аахыҵ Уаҧстәыла ахаҭарнакцәеи «Аҧсныи Аахыҵ Уаҧстәылеи рганахьала «ампыҵахалара», «импыҵахалоу аҵакырадгьылқәа» ҳәа атерминқәа рхархәара шзинтәым а

Аҧсны Аҳәынҭқарра ахаҭарнакцәеи Аахыҵ Уаҧстәыла ахаҭарнакцәеи иазгәарҭоит Аахыҵ Кавказ ашәарҭадареи аҭышәынтәалареи рзы Женеватәи аиҿцәажәарақәа 20-тәи рраунд аҳәаақәа ирҭагӡаны имҩаҧысыз аилацәажәара Аҧсныи Аахыҵ Уаҧстәылеи рганахьала «ампыҵахалара», «импыҵахалоу аҵакырадгьылқәа» ҳәа атерминқәа рхархәара жәларбжьаратәи азин аҧҟарақәеи апринципқәеи ишрықәымшәо.

Аҧсныи Латинатәи Америка атәылақәеи русеицура ҧхьаҟагьы иацҵхоит 08.06.2012 Аҧсныи Латинатәи Америка атәылақәеи русеицура ҧхьаҟагьы иацҵхоит

Аҧсныи Латинатәи Америка атәылақәеи русеицура ҧхьаҟагьы иацҵхоит ҳәа аҳәамҭа ҟарҵеит Аҧсны Адәныҟатәи аусқәа рминистрра ахаҭарнакцәа, Боливариантәи Ареспублика Венесуела урҭ раҭаара алҵшәақәа ирызкыз апресс-конференциаҟны. Лаҵарамза 20-28 рыбжьара официалтә визитла Венесуела иҟан Аҧсны Адәныҟатәи аусқәа рминистр ихаҭыҧуаҩ Иракли Хынҭәба, иара убас Латинатәи Америкеи, Азиеи, Африкеи, Азиеи Аокеанҭынчтәи арегиони рыҟәша аиҳабы Адгәыр Чегиа.

08.06.2012 Аҧсны Адәныҟатәи аусқәа рминистр Виачеслав Чрыгба Аахыҵ Уаҧстәыла Адәныҟатәи аусқәа рминистр Д. Г. Санакоев имаҵзурахьы иалхра идиныҳәалеит

Аҧсны Адәныҟатәи аусқәа рминистр Виачеслав Чрыгба Аахыҵ Уаҧстәыла Адәныҟатәи аусқәа рминистр Д. Г. Санакоев имаҵзурахьы иалхра идиныҳәалеит. Адныҳәалараҿы иаҳәоит: «Агәра ганы сыҟоуп ишәымоу азанааҭдырра ҳараки ахықәкынагӡареи рыбзоурала Аахыҵ Уаҧстәыла адәныҟатәи аполитикаҿы аихьӡарақәа шыҟало. Сара сыхәҭаахьала гәахәарала садгылоит ҳминистррақәа рыбжьара аусецура арҭбаара».

Италиатәи анаплакцәа Аҧсны раҭаара хыркәшахеит 31.05.2012 Италиатәи анаплакцәа Аҧсны раҭаара хыркәшахеит

Ихыркәшахеит италиатәи анаплакцәа рделегациа Аҧсны рыҟазаара аамҭа. Италиатәи Агро-ааглыхратә еилазаара “LPR” ахаҭарнакцәа аминистр изеиҭарҳәеит раҭаара лҵшәақәас иаиуз атәы. Ламберто Росси иазгәеиҭеит: «Ари аамҭа иалагӡаны акрызҵазкуа аиҧыларақәа мҩаҧаагеит Ақыҭанхамҩа аминистрраҿы, Аекономика аминистрраҿы, Ақыҭанхамҩатә ҭҵаарадырратә институт аҟны, иара убас Ахәаахәҭра-ааглыхратә палата аҟны. Аҭҵаарадырратә институт аҟны имҩаҧысуаз аиҧылараан ҳара ажәалагала ҟаҳҵеит: арахә рыфатә аҟаҵаразы афабрика аартра азҵаара ахьырыӡбаша афермерцәа рконсорциум аҧҵара. Ҳгәы иҭоуп иара убас, Ақыҭанхамҩатә ҭҵаарадырратә институти ҳареи аиқәшаҳаҭра ҳабжьаҳҵаны, Аҧсны атриуфельқәа рааӡаразы иҟоу алшарақәа рыҭҵаара ҳалагарц. Ари аусхкаҿы ҳара иҳамоу акыршықәсазтәи аҧышәа Аҧсны иҟоу ҳколлегацәа иахьрыхәо рацәоуп».

Аҧсны Адәныҟатәи Аусқәа рминистр Виачеслав Чрыгба диҧылеит Женеватәи аиҿцәажәарақәа рҿы Еиду амилаҭқәа реилазаара Ахаҭарнак ҷыда Антти Турунен 31.05.2012 Аҧсны Адәныҟатәи Аусқәа рминистр Виачеслав Чрыгба диҧылеит Женеватәи аиҿцәажәарақәа рҿы Еиду амилаҭқәа реилазаара Ахаҭарнак ҷыда Антти Турунен

Аҧсны Адәныҟатәи Аусқәа рминистр Виачеслав Чрыгба диҧылеит Женеватәи аиҿцәажәарақәа рҿы Еиду амилаҭқәа реилазаара Ахаҭарнак ҷыда Антти Турунен. Аиҧылараҿы ирылацәажәон иааираны иҟоу Женеватәи аиҿцәажәарақәа рымҩаҧысшьеи, Аидысларақәа раҧырҟәҟәаареи рнырреи рзы амеханизм акәша-мыкәша ишьақәгылаз аҭагылазаашьа уадаҩ аҧыхразы еиуеиҧшым агәаанагарақәеи.

Аџьар Ҟаҧшь Жәларбжьаратәи акомитет ҳамҭас Аҧсны Адәныҟатәи аусқәарминистрра ианаҭеит азиндырра иазку ашәҟәқәа рацәаны 29.05.2012 Аџьар Ҟаҧшь Жәларбжьаратәи акомитет ҳамҭас Аҧсны Адәныҟатәи аусқәарминистрра ианаҭеит азиндырра иазку ашәҟәқәа рацәаны

Аџьар Ҟаҧшь Жәларбжьаратәи акомитет ҳамҭас Аҧсны Адәныҟатәи аусқәарминистрра ианаҭеит азиндырра иазку ашәҟәқәа рацәаны. Аминистр В. Чрыгба Аҧсны иҟоу Аџьар Ҟаҧшь Жәларбжьаратәи акомитет ахада Лиук Хаас иҭабуп ҳәа иеиҳәеит ас еиҧш аҳамҭа ду азы.

29.05.2012 Адәныҟатәи аусқәа рминистр В. ЧрыгбеиАҧсныаусзуаапрограмма “WorldVision” анапхгаҩы Силва Гораковеи реиҧылара мҩаҧысит

Имҩаҧысит Адәныҟатәи аусқәа рминистр В. ЧрыгбеиАҧсны аус зуа апрограмма “WorldVision” анапхгаҩы Силва Гораковеи реиҧылара. Горакова аминистр изеиҭалҳәеит Аҧсны аҵакырадгьыл аҟны апрограмма имҩаҧнаго апроектқәеи, иааиуа ашықәс ҿыцазгьы имҩаҧыргарц ирҭахуа проектқәеи ртәы. Аилазаара “WorldVision” Аҧсны аусауеит 2005 шықәсааахыс, имҩаҧнагоит арҵаратә, ақыҭанхамҩатә уҳәа уб. егь. апроектқәа. Апроектқәа еиуеиҧшым асоциалтә, аекологиатә проблемақәа рыӡбара иазкуп. Аилазаара “WorldVision” аусура Аҧсны араионқәа зегьыамҽханакуеит.

29.05.2012 Приднестровие-Молдавиатәи Ареспублик аҟны Аҧсны Аҳәынҭқарра Ахаҭарнакра аиҳабы Г. Кәпалба С. У. Багаҧшь иҧстазаара далҵижьҭеи шықәсык аҵра иазкны адышшылара ааишьҭит

Приднестровие-Молдавиатәи Ареспублик аҟны Аҧсны Аҳәынҭқарра Ахаҭарнакра аиҳабы Г. Кәпалба С. У. Багаҧшь иҧстазаара далҵижьҭеи шықәсык аҵра иазкны адышшылара ааишьҭит. Адышшыларатә телеграммаҿы иаҳәоит: «Абар шықәсык нҭыкәкәа ицеит ауаҩ қьиа, аҳәынҭқарратә усзуҩы, Аҧсны ихьыҧшым иазхаҵоу ҳәынҭқарраны ашьақәгылара зыхьӡ адҳәалоу С. У. Багаҧшь дҳаҧхеижьҭеи. Иара активла далахәын Приднестровие-Молдавиатәи Ареспубликеи Аҧсныи рыбжьара аигәыларатә еизыҟазаашьа бзиақәа рырӷәӷәараҿы, «Адемокраиеи ажәлар рзинқәеи рзы» ҳәа хьӡыс измоу аилазаара аҧҵаразы аинициаторцәа дыруаӡәкын».

29.05.2012 Приднестровие-Молдавиатәи Ареспублика Адәныҟатәи Аусқәа рминистр Н. Штански С. У. Багаҧшь иҧсҭазаара далҵижьҭеи шықәсык аҵра иазкны адышшылара аалышьҭит

Приднестровие-Молдавиатәи Ареспублика Адәныҟатәи Аусқәа рминистр Н. Штански С. У. Багаҧшь иҧсҭазаара далҵижьҭеи шықәсык аҵра иазкны адышшылара аалышьҭит. «Сергеи Уасил-иҧа ихьӡ иадҳәалоуп Аҧсны Аҳәынҭқарра аҭоурых аҟны зегь реиҳа ихадоу ахҭыс – Урыстәылатәи Афедерациа аҟынтә азхаҵара аиура. Абаҩхатәра злаз аполитик, аҧышәа змаз адипломат, иҧсадгьыл апатриот иаша С. Багаҧшь есымша итәылауаа рзинқәеи рхақәиҭреи рыхьчара дазықәҧон. Ари еиҧш ауаҩы лаша игәалашәара наунагӡа иуаажәлар ргәаҿы иаанхоит,» – ҳәа аҳәоит адышшылараҿы.

28.05.2012 Аҧсны Адәныҟатәи аусқәа рминистр Виачеслав Чрыгба Аҧсны Аҳәынҭқарра Ашәарҭадара амаҵзура иатәу Аҳәаахьчаратә отриад рзанааҭтә мшы рыдиныҳәалеит

Аҧсны Адәныҟатәи аусқәа рминистр Виачеслав Чрыгба Аҧсны Аҳәынҭқарра Ашәарҭадара амаҵзура иатәу Аҳәаахьчаратә отриад рзанааҭтә мшы – Аҳәаахьчаҩ имш – рыдиныҳәалеит. Адныҳәалараҿы иаҳәоит: «Ҳаҧсадгьыл аҳәаақәа рыхьчара – аҳаҭыр зқәу, аҭакҧхықәра дугьы зцу усуп. Уи шәара қәҿиарала инашәыгӡоит. Апрофессионализми аус азы ахамшаҭареи аарҧшуа, аҳәаахьчацәа еиҧҟьара ҟамҵакәа ҳтәылауаа рҭынчра ахьчара иаҿуп.

28.05.2012 Аҧсны Адәныҟатәи аусқәа рминистр Виачеслав Чрыгба Аахыҵ Уаҧстәылатәи Ареспублика Адәныҟатәи аусқәа рминистрра аусзуҩцәа зегьы ирыдыиныҳәалеит русбарҭа Аҧҵара амш

Аҧсны Адәныҟатәи аусқәа рминистр Виачеслав Чрыгба Аахыҵ Уаҧстәылатәи Ареспублика Адәныҟатәи аусқәа рминистрра аусзуҩцәа зегьы русбарҭа Аҧҵара амш рыдыиныҳәалеит. Адныҳәалараҿы иаҳәоит: «Аахыҵ Уаҧстәыла Адәныҟатәи аусқәа рминистрра иуадаҩыз аҭагылазаашьақәа шыҟаз иаҧҵан, Қырҭәыла шәареи аидыслара аншәоу ашьҭахь. Жәларбжьаратәи аилазаара аҟнытә аҿагылара шыҟоугьы Аахыҵ Уаҧстәыла адипломатиа атәылеи ажәлари ринтересқәа ахьчоит. Аахыҵ Уаҧстәылатәи адипломатцәа рыпрофессионализми, системалатәи русуреи ирыбзоуроу рацәоуп нанҳәамза 26, 2008 шықәсазы Урыстәылатәи Афедерациа Аахыҵ Уаҧстәыла ахьыҧшымра ахьазханаҵаз». В. Чрыгба аахыҵ Уаҧстәылатәи иколлегацәа ирзеиӷьаишьеит аҭынчра, аизҳазыӷьара, аманшәалара, аусураҿы ақәҿиара дуқәа.


Новости 601 - 620 из 639
Начало | Пред. | 28 29 30 31 32 | След. | Конец Все


Аԥсны иазкны

Аминистрра

Адәныҟатәи аполитика

Аконсултә дырраҭара

Аналитика

Разработка сайта: ait
АԥСНЫ АҲӘЫНҬҚАРРА АДӘНЫҞАТӘИ АУСКӘА РМИНИСТРРА E-mail: info@mfaapsny.org; Tel: +7 (840) 226-70-69; Adress:. Lakoba, 21